ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສື່ມວນຊົນອີຕາລີຄື:ສຳນັກຂ່າວສານນາຈີໂອເນວໂພສ໌ຫຼື ANSA ແລະສື່ອື່ນໆໄດ້ລາຍງານໃນວັນທີ 11 ມັງກອນນີ້ວ່າ: ທີມງານຄົ້ນຄວ້າສາກົນທີມໜຶ່ງທີ່ນຳໂດຍມະຫາວິທະຍາໄລມິລານຂອງອີຕາລີໄດ້ຄົ້ນພົບລຳດັບແຊນຂອງເຊື້ອພະຍາດໂຄວິດ-19 ໃນຮ່າງກາຍຂອງຜູ້ຍິງຄົນໜຶ່ງທີ່ເປັນພະຍາດ ຜິວໜັງໃນວັນທີ 10 ພະຈິກປີ 2019. ຜົນດັ່ງກ່າວໄດ້ສະແດງໃຫ້ເຫັນອີກເທື່ອໜຶ່ງວ່າເວລາຂອງການເກີດ “ຜູ້ເປັນພະຍາດຜູ້ທຳອິດ” ຢູ່ອີຕາລີແມ່ນໃນເດືອນພະຈິກປີ 2019.
ຜົນການຄົ້ນຄວ້າດັ່ງກ່າວໄດ້ເປີດເຜີຍຢູ່ “ວາລະສານພະຍາດຜິວໜັງ ອັງກິດ”. ນັກຄົ້ນຄວ້າໄດ້ດຳເນີນການກວດກາຕົວຢ່າງຈຸລິນຊີຂອງຜູ້ເປັນພະຍາດຜິວຫນັງທີ່ເປັນກໍລະນີພິເສດທີ່ບໍ່ໄດ້ຮັບການບົ່ງມະຕິເປັນພະຍາດໂຄວິດ-19 ໃນທ້າຍປີ 2019, ແລະໄດ້ພົບເຫັນວ່າຜູ້ເປັນພະຍາດດັ່ງກ່າວໄດ້ຕິດເຊື້ອພະຍາດໂຄວິດ-19, ນັກຄົ້ນຄວ້າຂອງມະຫາວິທະຍາໄລມິລານເຫັນວ່າ: ຈົນມາເຖິງປັດຈຸບັນນີ້ຜູ້ຕິດເຊື້ອພະຍາດໂຄວິດ-19 ທີ່ພົບເຫັນຢູ່ອີຕາລີແມ່ນກໍລະນີທີ່ເກີດຂຶ້ນກ່ອນໝູ່.
ກ່ອນໜ້ານີ້, ນັກຄົ້ນຄວ້າໄດ້ກວດເຫັນເຊື້ອພະຍາດໂຄວິດ-19 ໃນຕົວຢ່າງນ້ຳເສຍໃນຕົວເມືອງຢູ່ເມືອງມິລານແລະຕູຣິນທາງພາກເໜືອຂອງອີຕາລີໃນເດືອນທັນວາປີ 2019.
ຄຳເຫັນ
0