ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 12 ມັງກອນນີ້ຕາມເວລາທ້ອງຖິ່ນ, ທ່ານ ໄມເພນ ຮອງປະທານາທິບໍດີອາເມຣິກາກ່າວວ່າ: ທ່ານຈະບໍ່ປະຕິບັດຕາມມາດຕາ 25 ຂອງກົດໝາຍສະບັບດັດແກ້ຂອງລັດຖະທຳມະນູນເພື່ອປົດຕຳແໜ່ງປະທານາທິບໍດີຂອງທ່ານ ໂດໂນ ທຣຳ.
ໂທລະພາບ CNBC ອາເມຣິກາໄດ້ລາຍງານວ່າ: ກ່ອນໜ້ານີ້, ທ່ານນາງ ແນນຊີ ເປໂລຊີ ປະທານສະພາຕ່ຳຂອງອາເມຣິກາກໍເຄີຍໄດ້ກົດດັນທ່ານ ໄມ ເພນ ໃນບັນຫາວ່າຈະປົດຕຳແໜ່ງປະທານາທິບໍດີຫຼືບໍ່. ນາງໄດ້ຂູ່ວ່າ: ຖ້າທ່ານຮອງປະທານາທິບໍດີປະຕິບັດຕາມ, ສະພາຕ່ຳຈະປ່ອນບັດໃນວັນທີ 13 ມັງກອນນີ້ເພື່ອໃຫ້ທ່ານ ໂດໂນ ທຣຳ ກາຍເປັນປະທານາທິບໍດີຜູ້ທຳອິດທີ່ຖືກຖອດຖອນສອງຄັ້ງ.
ຂ່າວແຈ້ງວ່າ: ໃນຈົດໝາຍຂອງທ່ານ ໄມ ເພນທີ່ສັ່ງເຖິງທ່ານນາງ ແນນຊີ ເປໂລຊີ ໄດ້ກ່າວເຖິງມາດຕາ 25 ຂອງກົດໝາຍສະບັບດັດແກ້ຂອງລັດຖະທຳມະນູນພ້ອມທັງຂຽນວ່າ: “ຂ້າພະເຈົ້າບໍ່ເຫັນວ່າການກະທຳແບບນີ້ຈະສອດຄ່ອງກັບຜົນປະໂຫຍດທີ່ດີທີ່ສຸດຂອງປະເທດເຮົາ,ທັງບໍ່ສອດຄ່ອງກັບລັດຖະທຳມະນູນຂອງພວກເຮົາ.” ແຕ່ໃນຈົດໝາຍບໍ່ໄດ້ກ່າວເຖິງຊື່ຂອງທ່ານ ໂດໂນ ທຣຳ.
ຄຳເຫັນ
0