ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ຮອງໂຄສົກສຳນັກງານນາຍົກລັດຖະມົນຕີໄທກ່າວວ່າ: ຄະນະລັດຖະບານໄທໄດ້ອະນຸມັດງົບປະມານ 1,3 ຕື້ບາດເພື່ອຈອງຊື້ວັກຊິນພະຍາດໂຄວິດ-19 ຈຳນວນ 2 ລ້ານຫຼອດຈາກຈີນ, ວັກຊິນທີ່ມາຈາກຈີນເຫຼົ່ານີ້ຈະສັກໃຫ້ພະນັກງານການແພດແລະພະຍາບານທີ່ເຝົ້າປິ່ນປົວຄົນເຈັບ ພ້ອມທັງຜູ້ອາຍຸສູງທີ່ເປັນພະຍາດຊຳເຮື້ອທີ່ອາດຈະຕິດເຊື້ອພະຍາດໄດ້ງ່າຍ.
ກ່ອນໜ້ານີ້, ວັນທີ 7 ມັງກອນນີ້, ເຈົ້າໜ້າທີ່ຮັບຜິດຊອບກົມຄວບຄຸມພະຍາດຂອງໄທກ່າວວ່າ: ໄທກຽມຈະສັກວັກຊິນພະຍາດໂຄວິດ-19 ໂດຍແບ່ງເປັນ 3 ໄລຍະ: ໄລຍະທີໜຶ່ງແມ່ນແຕ່ເດືອນກຸມພາຫາເດືອນເມສາປີນີ້, ຈະສັກວັກຊິນໃຫ້ແກ່ພະນັກງານການແພດແລະພະຍາບານທີ່ເຝົ້າປິ່ນປົວຄົນເຈັບ ພ້ອມທັງຜູ້ອາຍຸສູງທີ່ເປັນພະຍາດຊຳເຮື້ອທີ່ອາດຈະຕິດເຊື້ອພະຍາດໄດ້ງ່າຍ ທີ່ມີຈຳນວນ 1 ລ້ານຄົນ ເຊິ່ງຕ້ອງການວັກຊິນ 2 ລ້ານຫຼອດ ແລະ ສັກສອງເທື່ອ. ໄລຍະທີສອງແມ່ນໃນເດືອນພຶດສະພາຫາເດືອນມິຖຸນາປີນີ້, ຈະສະໜອງວັກຊິນພະຍາດໂຄວິດ-19 ຈຳນວນ 26 ລ້ານຫຼອດໃຫ້ກຸ່ມຄົນດ້ອຍໂອກາດ ແລະ ເຂດທີ່ເກີດມີການແຜ່ລະບາດຂອງພະຍາດໂຄວິດ-19 ຢ່າງໜັກໜ່ວງ. ໄລຍະທີສາມແມ່ນໃນຫົກເດືອນທ້າຍປີນີ້ແລະຕົ້ນປີໜ້າ, ຈະສັກວັກຊິນພະຍາດໂຄວິດ-19 ໃຫ້ແກ່ປະຊາຊົນທົ່ວໄປຂອງໄທ.
ຄຳເຫັນ
0