ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ມັງກອນນີ້, ທ່ານ ຟາເຣັດຕິນ ໂຄຄາ ລັດຖະມົນຕີກະຊວງສາທາລະນະສຸກຕວກກີໄດ້ສັກວັກຊິນພະຍາດໂຄວິດ-19 ທີ່ບໍລິສັດຊິນໂນແວກຈີນຄົ້ນຄວ້າຜະລິດແລະໄດ້ຖ່າຍທອດສົດທາງໂທລະພາບໃຫ້ປະຊາຊົນໄດ້ຊົມ. ຂະນະດຽວກັນ, ຜູ້ທີ່ໄດ້ສັກວັກຊິນພະຍາດໂຄວິດ-19 ທີ່ຈີນຜະລິດຍັງມີສະມາຊິກຂອງຄະນະກຳມະການວິທະຍາສາດເພື່ອຮັບມືກັບສະພາບການແຜ່ລະບາດຂອງພະຍາດໂຄວິດ-19.
ທ່ານ ຟາເຣັດຕິນ ໂຄຄາ ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນມື້ດັ່ງກ່າວວ່າ: ວັກຊິນພະຍາດໂຄວິດ-19 ຂອງຈີນແມ່ນມີຄວາມປອດໄພດີ,ພະນັກງານການແພດແລະພະຍາບານທົ່ວປະເທດຕວກກີຈະເລີ່ມສັກວັກຊິນພະຍາດໂຄວິດ-19 ທີ່ຈີນຜະລິດແຕ່ວັນທີ 14 ມັງກອນນີ້ເປັນຕົ້ນໄປ. ທ່ານກ່າວຕື່ມວ່າ: ບຸກຄົນການເມືອງທີ່ສຳຄັນຂອງຕວກກີສັກວັກຊິນພະຍາດໂຄວິດ-19 ກໍຈະເປັນແບບຢ່າງທີ່ດີໃຫ້ແກ່ປະຊາຊົນ, ປະຊາຊົນຈະຕ້ອງສັກວັກຊິນພະຍາດໂຄວິດ-19, ເພື່ອຟື້ນຟູສະພາບຊີວິດການເປັນຢູ່ຢ່າງເປັນປົກກະຕິ. ກ່ອນໜ້ານີ້, ທ່ານ ຟາເຣັດຕິນ ໂຄຄາ ເຄີຍໄດ້ກ່າວວ່າ: ຜົນການວິເຄາະເບື້ອງຕົ້ນຕໍ່ຕົວເລກຂໍ້ມູນຂອງອາສາສະໝັກໃນການສັກວັກຊິນພະຍາດໂຄວິດ-19 ສະແດງໃຫ້ເຫັນວ່າ: ປະສິດທິຜົນຂອງວັກຊິນພະຍາດໂຄວິດ-19 ທີ່ບໍລິສັດຊິນໂນແວກຈີນຄົ້ນຄວ້າຜະລິດນັ້ນມີເຖິງ 91,25%.
ອົງການຢາແລະວັດຖຸອຸປະກອນການແພດຕວກກີໄດ້ເຜີຍແຜ່ບົດລາຍງານໃນວັນທີ 13 ມັງກອນນີ້ ໂດຍໄດ້ອະນຸມັດໃຫ້ນຳໃຊ້ວັກຊິນພະຍາດໂຄວິດ-19 ທີ່ບໍລິສັດຊິນໂນແວກຈີນຄົ້ນຄວ້າຜະລິດຢ່າງຮີບດ່ວນ. ນີ້ແມ່ນວັກຊິນພະຍາດໂຄວິດ-19 ຊະນິດທຳອິດທີ່ໄດ້ຮັບການອະນຸມັດໃຫ້ນຳໃຊ້ໂດຍດ່ວນຈາກລັດຖະບານຕວກກີ.
ຄຳເຫັນ
0