ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ມັງກອນນີ້, ສະພາຕ່ຳອາເມຣິກາໄດ້ລົງຄະແນນສຽງຕາມມາດຕາທີ່ຖອດຖອນທ່ານໂດໂນ ທຣຳ ປະທານາທິບໍດີ ໂດຍກ່າວຟ້ອງທ່ານວ່າໄດ້ “ຍຸຍົງກໍ່ໃຫ້ເກີດການກະບົດ”. ທ່ານໂດໂນ ທຣຳ ກາຍເປັນປະທານາທິບໍດີອາເມຣິກາທີ່ຖືກຍື່ນຖອດຖອນສອງເທື່ອຜູ້ທຳອິດໃນປະຫວັດສາດອາເມຣິກາ.
ຕອນບ່າຍມື້ດຽວກັນ, ສະພາຕ່ຳອາເມຣິກາໄດ້ຈັດການລົງຄະແນນສຽງ ເພື່ອຖອດຖອນດ້ວຍ 232 ສຽງເຫັນດີ ແລະ 197 ສຽງຄັດຄ້ານ. ຈາກນີ້ຕໍ່ໄປ, ຂັ້ນຕອນການຖອດຖອນຈະຍື່ນໃຫ້ສະພາສູງອາເມຣິກາຄົ້ນຄວ້າພິຈາລະນາ, ຕ້ອງໄດ້ຮັບການສະໜັບສະໜູນຈາກສະມາຊິກສະພາສູງ 2 ສ່ວນ 3 ຂຶ້ນໄປ, ຈິ່ງຈະສາມາດຖອດຖອນທ່ານໂດໂນ ທຣຳໄດ້. ມື້ດຽວກັນ, ທ່ານມິດ ແມັກຄອນເນວ ຜູ້ນຳພັກສຽງສ່ວນຫຼາຍໃນສະພາສູງກ່າວວ່າ: ສະພາສູງຈະບໍ່ຮຽກໄຂກອງປະຊຸມກ່ອນເວລາກຳນົດ ເພື່ອຄົ້ນຄວ້າພິຈາລະນາຄະດີຖອດຖອນທ່ານໂດໂນ ທຣຳ ເຊິ່ງໝາຍຄວາມວ່າ: ການຍື່ນຖອດຖອນທ່ານໂດໂນ ທຣຳ ຈະບໍ່ໄດ້ຖືກຈັດຂຶ້ນກ່ອນເວລາທີ່ທ່ານໂຈ ໄບເດັນ ປະທານາທິບໍດີທີ່ໄດ້ຮັບການເລືອກຕັ້ງຈະສາບານຕົວຂຶ້ນດຳລົງຕຳແໜ່ງໃນຕອນທ່ຽງຂອງວັນທີ 20 ມັງກອນນີ້.
ຄຳເຫັນ
0