ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ອາທິດນີ້, ທະນາຄານລົງທຶນພື້ນຖານໂຄງລ່າງອາຊີ ຫຼື AIIB ກໍໄດ້ສ້າງຕັ້ງຂຶ້ນຄົບຮອບ 5 ປີ, ໃນເວລາໃຫ້ສຳພາດຕໍ່ນັກຂ່າວຂອງສະຖານີວິທະຍຸໂທລະພາບສູນກາງຈີນ ຫຼື CMG, ທ່ານຈິ່ນລີ້ຊຸນ ຜູ້ອຳນວຍການໃຫຍ່ AIIB ກ່າວວ່າ: ໂດຍຜະເຊີນໜ້າກັບສະພາບການແຜ່ລະບາດຂອງພະຍາດໂຄວິດ-19 ໃນປີ 2020 ທີ່ບໍ່ເຄີຍພົບເຫັນໃນຮອບຮ້ອຍປີ, AIIB ໄດ້ປັບປຸງວຽກງານຈຸດສຸມຂອງຕົນຢ່າງມີໄຫວພິບ ເພື່ອໃຫ້ການສະໜັບສະໜູນການສ້າງພື້ນຖານໂຄງລ່າງທາງການແພດ ແລະ ການຕ້ານກັບການແຜ່ລະບາດຂອງພະຍາດໂຄວິດ-19 ຂອງປະເທດທີ່ກ່ຽວຂ້ອງໃຫ້ຫຼາຍກວ່າເກົ່າ.
ທ່ານຈິ່ນລີ້ຊຸນກ່າວຕື່ມວ່າ: ໃນ 5 ປີມານີ້, ໃນຖານະເປັນທະນາຄານພັດທະນາຫຼາຍຝ່າຍທີ່ຫາກໍ່ສ້າງຕັ້ງຂຶ້ນບໍ່ເທົ່າໃດປີ, AIIB ໄດ້ຮັບການຮັບຮອງ ແລະ ຄວາມເຄົາລົບຈາກໂລກ. ໃນໄລຍະເກີດມີການແຜ່ລະບາດຂອງພະຍາດໂຄວິດ-19, AIIB ໄດ້ຈັດຕັ້ງປະຕິບັດວຽກງານຄືເປັນ “ຜູ້ປະຕິບັດພາລະກິດພັດທະນາໂລກ”, ເພື່ອຮັບມືກັບການແຜ່ລະບາດຂອງພະຍາດໂຄວິດ-19 ທີ່ບໍ່ເຄີຍພົບເຫັນໃນຮອບຮ້ອຍປີ, AIIB ໄດ້ປັບປຸງວຽກງານຈຸດສຸມຂອງຕົນ, ປ່ອຍເງິນກູ້ແກ່ການຕ້ານກັບການແຜ່ລະບາດຂອງພະຍາດ ແລະ ການຄົ້ນຄວ້າຜະລິດວັກຊິນພະຍາດໂຄວິດ-19 ໃຫ້ຫຼາຍກວ່ເກົ່າ. ຫົກເດືອນທ້າຍປີ 2021, ຄຽງຄູ່ກັບວັກຊິນທີ່ໄດ້ຜະລິດອອກມາຢ່າງຫຼວງຫຼາຍ ແລະ ຄົນທັງຫຼາຍໄດ້ສັກວັກຊິນນັບມື້ນັບຫຼາຍ, ມີຫຼາຍປະເທດໃນໂລກອາດຈະມີໂອກາດກັບຄືນສູ່ “ສະພາບປົກກະຕິ”. ເມື່ອຮອດເວລານັ້ນ, AIIB ກໍຈະກຳນົດຂົງເຂດວຽກງານຈຸດສຸມໃຫ້ຄືນສູ່ຂົງເຂດດັ້ງເດີມຂອງຕົນ ເພື່ອສ້າງພື້ນຖານໂຄງລ່າງທີ່ຮັບໃຊ້ອະນາຄົດ.
ຄຳເຫັນ
0