ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ມັງກອນນີ້, ທ່ານ ກີດ ແກຣສ ຮອງລັດຖະມົນຕີກະຊວງການຕ່າງປະເທດອາເມຣິກາກ່າວຜ່ານສື່ສັງຄົມອອນລາຍວ່າ: ທ່ານ ໄມ ພົມເພວ ລັດຖະມົນຕີກະຊວງການຕ່າງປະເທດອາເມຣິກາໄດ້ໃຫ້ການຮັບຮອງຖານະ “ປະເທດເສລີ” ແກ່ໄຕ້ຫວັນ. ຕໍ່ເລື່ອງນີ້, ທ່ານ ຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 14 ມັງກອນນີ້ໂດຍກ່າວວ່າ: ຈີນເດັດດ່ຽວຄັດຄ້ານແລະກ່າວປະນາມຢ່າງຮຸນແຮງຕໍ່ເລື່ອງນີ້.
ທ່ານ ຈ້າວລີ້ຈ່ຽນ ກ່າວໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວວ່າ: “ຄຳເວົ້າດັ່ງກ່າວຂອງທ່ານ ກີດ ແກຣສ ໄດ້ລະເມີດຫຼັກການພື້ນຖານຂອງການພົວພັນສາກົນຢ່າງໜັກໜ່ວງ, ເປັນການລະເມີດຫຼັກການປະເທດຈີນດຽວ ແລະຖະແຫຼງການຮ່ວມ 3 ສະບັບລະຫວ່າງຈີນ-ອາເມຣິກາຢ່າງໜັກໜ່ວງ, ລະເມີດຄຳໝັ້ນສັນຍາທາງການເມືອງຂອງອາເມຣິກາກ່ຽວກັບບັນຫາໄຕ້ຫວັນຢ່າງໜັກໜ່ວງ. ຈີນຮຽກຮ້ອງໃຫ້ອາເມຣິກາຈົ່ງເຄົາລົບແລະປະຕິບັດຕາມຫຼັກການປະເທດຈີນດຽວແລະຂໍ້ກຳນົດໃນຖະແຫຼງການຮ່ວມ 3 ສະບັບລະຫວ່າງຈີນ-ອາເມຣິກາ, ຢຸດຕິການສວຍໃຊ້ບັນຫາໄຕ້ຫວັນເພື່ອເກມການເມືອງຂອງຕົນໃນທັນທີ,ຢຸດຕິການໄປມາຫາສູ່ກັນລະຫວ່າງທາງການອາເມຣິກາແລະໄຕ້ຫວັນ, ແລະຢຸດຕິການກະທຳທີ່ຍົກຖານະການພົວພັນທີ່ແທ້ຈິງລະຫວ່າງອາເມຣິກາ-ໄຕ້ຫວັນໃຫ້ສູງຂຶ້ນ.”
ຄຳເຫັນ
0