ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເມື່ອບໍ່ດົນມານີ້, ຣັດເຊຍໄດ້ເປີດເຜີຍວ່າຈະດຳເນີນຂັ້ນຕອນພາຍໃນປະເທດເພື່ອຖອນອອກຈາກ “ສັນຍາວ່າດ້ວຍການເປີດນ່ານຟ້າ". ກ່ຽວກັບເລື່ອງນີ້, ທ່ານນາງຮວ້າຊຸ່ນຢີງ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວໃນວັນທີ 18 ມັງກອນນີ້ວ່າ: ຣັດເຊຍໄດ້ພະຍາຍາມຮັກສາສັນຍາດັ່ງກ່າວ ແຕ່ກໍບໍ່ໄດ້ຮັບການຕອບສະໜອງຢ່າງຕັ້ງໜ້າຈາກອາເມຣິກາ ແລະປະເທດພາຄີີອື່ນໆໃນສັນຍາ.
ທ່ານນາງຮວ້າຊຸ່ນຢີງກ່າວວ່າ: ສາເຫດຕົ້ນຕໍຂອງຣັດເຊຍທີ່ຈະດຳເນີນຂັ້ນຕອນການຖອນອອກຈາກ “ສັນຍາວ່າດ້ວຍການເປີດນ່ານຟ້າ” ກໍຍ້ອນວ່າໃນໄລຍະຜ່ານມາ ອາເມຣິກາໄດ້ຖອນອອກຈາກສັນຍາແຕ່ພຽງຝ່າຍດຽວໂດຍບໍ່ເອົາຫົວຊາຕໍ່ການຄັດຄ້ານຂອງປະຊາຄົມໂລກ ເຊິ່ງໄດ້ທຳລາຍຄວາມໄວ້ເນື້ອເຊື່ອໃຈກັນ ແລະຄວາມໂປ່ງໃສດ້ານການທະຫານລະຫວ່າງບັນດາປະເທດ. ເປັນເວລາດົນນານມາແລ້ວ, ອາເມຣິກາໄດ້ຍຶດໝັ້ນແນວຄິດສົງຄາມເຢັນ, ປະຕິບັດຕາມນະໂຍບາຍ “ອາເມຣິກາຕ້ອງມາກ່ອນ”, ລະເມີດ ແລະຖອນອອກຈາກສັນຍາຕ່າງໆ ເຊິ່ງໄດ້ສົ່ງຜົນກະທົບຢ່າງໜັກໜ່ວງຕໍ່ຂະບວນການຄວບຄຸມ ແລະຫຼຸດກຳລັງຮົບຂອງສາກົນ. ຈີນຮຽກຮ້ອງໃຫ້ອາເມຣິກາຈົ່ງກ້າຜະເຊີນກັບບັນຫາຄວາມເປັນຫ່ວງຂອງປະຊາຄົມໂລກ, ປົກປັກຮັກສາຄວາມໝັ້ນຄົງດ້ານຍຸດທະສາດໃນທົ່ວໂລກ, ຄວາມໝັ້ນຄົງ ແລະສັນຕິພາບຂອງສາກົນ ກໍຄືພາກພື້ນດ້ວຍການກະທຳຕົວຈິງ.
ຄຳເຫັນ
0