ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ມັງກອນນີ້, ນັກຂ່າວໄດ້ຮັບຊາບຈາກກະຊວງຊັບພະຍາກອນມະນຸດ ແລະການປະກັນສັງຄົມຈີນວ່າ: ໃນປີ 2021, ຈີນຈະສ້າງລະບົບການປະກັນສັງຄົມໃຫ້ສົມບູນກວ່າເກົ່າ.
ໃນປີ 2021, ກະຊວງຊັບພະຍາກອນມະນຸດ ແລະປະກັນສັງຄົມຈີນຈະຖືເອົາການເປີດກວ້າງການປະກອບອາຊີບ ແລະເຮັດໃຫ້ອາຊີບມີຄວາມໝັ້ນຄົງເປັນວຽກງານຕົ້ນຕໍ, ເຮັດໃຫ້ຫົວໜ່ວຍທຸລະກິດໃນຕະຫຼາດ ແລະຕຳແໜ່ງວຽກເຮັດງານທຳມີຄວາມໝັ້ນຄົງ, ເຮັດໃຫ້ນັກສຶກສາທີ່ຈົບຈາກມະຫາວິທະຍາໄລ, ແຮງງານຊົນນະບົດເຄື່ອນຍ້າຍ ແລະກຸ່ມຄົນອື່ນໆມີວຽກເຮັດງານທຳໂດຍພື້ນຖານ, ຮັບປະກັນຜູ້ທຸກຍາກປະກອບອາຊີບ ເພື່ອຮັບປະກັນສະພາບການປະກອບອາຊີບໃຫ້ມີຄວາມໝັ້ນຄົງໂດຍລວມ.
ລັດຖະບານຈີນຍັງຈະປັບປຸງກົນໄກການຊ່ວຍເຫຼືອຊັບພະຍາກອນມະນຸດ ແລະການປະກັນສັງຄົມຢູ່ເຂດແຄວ້ນທີ່ດ້ອຍພັດທະນາໃຫ້ຄົບຖ້ວນສົມບູນ, ບັບປຸງ ແລະເສີມຂະຫຍາຍໝາກຜົນຂອງການຊ່ວຍເຫຼືອຜູ້ທຸກຍາກ, ອອກແຮງກຳຈັດຂອດຫຍຸ້ງຍາກ, ຂອດທີ່ເປັນບັນຫາ ແລະຂອດທີ່ອົດຕັນໃນການບໍລິການປະຊາຊົນ.
ຂໍ້ມູນສະຖິຕິຊີ້ໃຫ້ເຫັນວ່າ: ໃນປີ 2020, ການປະກອບອາຊີບໃນຕົວເມືອງເພີ່ມໃໝ່ມີເຖິງ 11,86 ລ້ານຄົນ, ລື່ນກາຍຄາດໝາຍທີ່ກຳນົດໄວ້ໃຫ້ບັນລຸ 9 ລ້ານຄົນຂຶ້ນໄປ ເຊິ່ງເທົ່າກັບ 131,8% ຂອງເປົ້າໝາຍໝົດປີ.
ໃນປີ 2020, ອັດຕາການວ່າງງານຢູ່ຕົວເມືອງສະເລ່ຍຕໍ່ປີມີເຖິງ 5,6%. ໃນທ້າຍປີ 2020, ອັດຕາການວ່າງງານທີ່ລົງທະບຽນໃນຕົວເມືອງມີເຖິງ 4,24%.
ຄຳເຫັນ
0