ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ມັງກອນນີ້, ທ່ານນາງຮວ້າຊຸ່ນຢິງ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຖະແຫຼງຂ່າວວ່າ, ອີງຕາມສະຖິຕິທີ່ບໍ່ທັນຄົບຖ້ວນ, ມາຮອດປະຈຸບັນໄດ້ມີ 40 ກວ່າປະເທດໄດ້ແຈ້ງຈຸດປະສົງຢາກນຳເຂົ້າວັກຊີນຕ້ານເຊື້ອພະຍາດໂຄວິດ-19ຈາກຈີນ. ເຊື່ອວ່າຄຽງຄູ່ກັບກຳລັງການຜະລິດຂອງວິສາຫະກິດເພີ່ມຂຶ້ນຢ່າງບໍ່ຢຸດຢັ້ງ, ຈີນຈະມີຄວາມສາມາດເພີ່ມວັກຊີນໃຫ້ແກ່ປະເທດທີ່ມີຄວາມຕ້ອງການເທື່ອລະກ້າວ.
ໃນຫວ່າງມໍ່ໆມານີ້, ຫຼາຍປະເທດໄດ້ປະກາດວ່າໄດ້ຮັບວັກຊີນຕ້ານເຊື້ອພະຍາດໂຄວິດ-19ຂອງຈີນແລ້ວ, ຜູ້ນຳຫຼາຍປະເທດຍັງໄດ້ສັກວັກຊີນຂອງຈີນຢ່າງເປີດເຜີຍ. ໃນເວລາແນະນຳແຜນການຂອງຈີນຕໍ່ການຮ່ວມມືສາກົນດ້ານວັກຊີນ, ທ່ານນາງຮວ້າຊຸນຢິງກ່າວວ່າ, ຈີນມີຈຸດຢືນຕະຫຼອດມາວ່າ, ເຊື້ອພະຍາດບໍ່ມີພົມແດນ, ມວນມະນຸດມີຊາຕາກຳຮ່ວມກັນ, ຄວາມສາມັກຄີ ແລະການຮ່ວມມືກັນຈຶ່ງແມ່ນອາວຸດທີ່ເຂັ້ມແຂງທີ່ສຸດໃນການເອົາຊະນະພະຍາດ, ນີ້ກໍແມ່ນຄວາມເຫັນທີ່ເປັນເອກະພາບກັນຂອງປະຊາຄົມໂລກ.
ທ່ານນາງຮວ້າຊຸ່ນຢິງກ່າວຕື່ມວ່າ, ຈີນໄດ້ເຂົ້າຮ່ວມ “ແຜນດຳເນີນງານວັກຊີນຕ້ານເຊື້ອພະຍາດໂຄວິດ-19” ຂອງອົງການອະນາໄມໂລກ, ສະໜັບສະໜູນກຸ່ມG20ໃຫ້ຊຸກຍູ້ການຮ່ວມມືສາກົນດ້ານວັກຊີນ, ສະໜັບສະໜູນການແບ່ງປັນວັກຊີນໃນທົ່ວໂລກຢ່າງຍຸດຕິທຳໂດຍຜ່ານຮູບການຮ່ວມມືຫຼາຍຝ່າຍ. ຈີນຄອງຄອຍຝ່າຍຕ່າງໆໃຊ້ການກະທຳຕົວຈິງ, ສະໜອງວັກຊີນຫຼາຍກວ່າເກົ່າໃຫ້ແກ່ປະເທດພວມພັດທະນາ, ຊຸກຍູ້ການແບ່ງປັນ ແລະ ນຳໃຊ້ວັກຊີນໃນທົ່ວໂລກຢ່າງຍຸດຕິທຳ, ປະກອບສ່ວນໃນການເອົາຊະນະພະຍາດໂຄວິດ-19 ໂດຍໄວ.
ຄຳເຫັນ
0