ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ມັງກອນນີ້, ທ່ານໂຈ ໄບເດັນ ຜູ້ໄດ້ຮັບການເລືອກຕັ້ງເປັນປະທານາທິບໍດີຄົນໃໝ່, ສະມາຊິກພັກເດໂມເຄຣັດໄດ້ສາບານຕົນຂຶ້ນຮັບຕຳແໜ່ງເປັນປະທານາທິບໍດີອາເມຣິກາຜູ້ທີ 46 ຢູ່ນະຄອນຫຼວງວໍຊິນຕັນ.
ໃນພິທີຂຶ້ນຮັບຕຳແໜ່ງທີ່ຈັດຂຶ້ນຢູ່ອາຄານລັດຖະສະພາ, ທ່ານໂຈ ໄບເດັນ ອາຍຸ 78 ປີໄດ້ສາບານຕົນຢ່າງສຳເລັດຜົນໂດຍມີທ່ານໂຣເບີດ ຫົວໜ້າຜູ້ພິພາກສາຂອງສານສູງສຸດຂອງສະຫະລັດອາເມຣິກາເປັນຜູ້ປະກອບພິທີໃຫ້.
ເພື່ອປ້ອງກັນແລະຄວບຄຸມພະຍາດ ແລະປ້ອງກັນບໍ່ໃຫ້ເກີດມີເຫດການຄວາມຮຸນແຮງ, ຈຳນວນຄົນທີ່ເຂົ້າຮ່ວມພິທີແລະເຂົ້າຊົມພິທີໄດ້ຫຼຸດລົງຢ່າງຫຼວງຫຼາຍ, ພິທີທາງການທີ່ເປັນມູນເຊື້ອຫຼາຍຢ່າງ ເປັນຕົ້ນການແຫ່ຂະບວນເພື່ອສະເຫຼີມສະຫຼອງປະທານາທິບໍດີຄົນໃໝ່ ກໍໄດ້ຈັດຂຶ້ນຜ່ານທາງອິນເຕີເນັດຫຼືບາງອັນໄດ້ຖືກຍົກເລີກ. ໃນມື້ດຽວກັນ, ຢູ່ວໍຊິນຕັນໄດ້ມີການປ້ອງກັນຢ່າງເຂັ້ມງວດ, ທຳນຽບ 5 ແຈໄດ້ສົ່ງກອງທະຫານປ້ອງກັນດິນແດນແຫ່ງຊາດຈຳນວນ 25.000 ຄົນມາປ້ອງກັນເພື່ອຄວາມສະຫງົບປອດໄພ. ລັດຕ່າງໆຂອງອາເມຣິກາກໍໄດ້ໃຊ້ມາດຕະການປ້ອງກັນເຫດການຄວາມຮຸນແຮງທີ່ອາດຈະເກີດຂຶ້ນເຊັ່ນກັນ.
ຄຳເຫັນ
0