ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ມັງກອນນີ້, ອົງການອາຫານ ແລະການກະເສດ, ກອງທຶນເດັກນ້ອຍ, ອົງການແຜນການທັນຍາຫານໂລກ ແລະອົງການທະນາໄມໂລກຂອງອົງການສະຫະປະຊາຊາດໄດ້ຮ່ວມກັນອອກບົດລາຍງານ ເຊິ່ງໄດ້ລະບຸວ່າ: ຜົນກະທົບດ້ານເສດຖະກິດທີ່ເກີດມາຈາກການແຜ່ລະບາດຂອງພະຍາດໂຄວິດ-19 ອາດຈະທຳລາຍຄວາມພະຍາຍາມໃນການປັບປຸງອາຫານການກິນ ແລະທາດບຳລຸງຢູ່ເຂດອາຊີ-ປາຊີຟິກໃຫ້ດີຂຶ້ນ.
ບົດລາຍງານເຫັນວ່າ: ກ່ອນການແຜ່ລະບາດຂອງພະຍາດໂຄວິດ-19, ຢູ່ເຂດອາຊີ-ປາຊີຟິກມີປະຊາຊົນເກືອບ 2 ຕື້ຄົນຂາດທາດບຳລຸງຢູ່ແລ້ວ, ສະພາບການແຜ່ລະບາດຂອງພະຍາດໂຄວິດ-19 ໄດ້ສົ່ງຜົນກະທົບຢ່າງໜັກໜ່ວງຂຶ້ນຕື່ມຕໍ່ເສດຖະກິດ ແລະຊີວິດການເປັນຢູ່ຂອງປະຊາຊົນ, ເນື່ອງຈາກລາຄາໝາກໄມ້, ຜັກ ແລະຜະລິດຕະພັນນົມສູງຂຶ້ນ ເຮັດໃຫ້ຜູ້ທຸກຍາກຢູ່ເຂດອາຊີ-ປາຊີຟິກບໍ່ສາມາດຊື້ອາຫານທີ່ມີທາດບຳລຸງໄດ້.
ບົດລາຍງານຍັງຮຽກຮ້ອງໃຫ້ພາກພື້ນອາຊີ-ປາຊີຟິກຈົ່ງພາກັນຊຸກຍູ້ການຫັນປ່ຽນລະບົບທັນຍາຫານ, ເພີ່ມການສະໜອງ ແລະສົ່ງເສີມຄອບຄົວໃຫ້ມີຄວາມສາມາດໄດ້ຮັບອາຫານທີ່ມີທາດບຳລຸງ, ປອດໄພ ແລະຍືນຍົງ.
ຄຳເຫັນ
0