ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ມັງກອນນີ້, ໃນກອງປະຊຸມຖະແຫຼງຂ່າວ ທ່ານນາງຮວ້າຊຸ່ນຢີງ ໂຄສົກກະຊວງການຕ່າງປະເທດຈີນກ່າວວ່າ: ໃນເດືອນມັງກອນປີ 2017, ທ່ານສີຈິ້ນຜິງ ປະທານປະເທດຈີນໄດ້ເຂົ້າຮ່ວມກອງປະຊຸມປະຈຳປີຂອງເວທີປຶກສາຫາລືເສດຖະກິດໂລກເປັນຄັ້ງທຳອິດ ແລະກ່າວຄຳປາໄສພາຍໃຕ້ຫົວຂໍ້ “ຮ່ວມກັບແບກຫາບໜ້າທີ່ຄວາມຮັບຜິດຊອບຂອງຍຸກສະໄໝ ແລະຮ່ວມກັນຊຸກຍູ້ການພັດທະນາຂອງໂລກຮ່ວມກັນ” ໃນພິທີເປີດ ທ່ານໄດ້ອະທິບາຍທັດສະນະ ແລະຈຸດຢືນຂອງຈີນກ່ຽວກັບເສດຖະກິດໂລກາພິວັດ ແລະໄດ້ສົ່ງສັນຍານທີ່ເຂັ້ມແຂງຂອງຍຸກໃນການສະໜັບສະໜູນເສດຖະກິດໂລກາພິວັດ, ເຊິ່ງໄດ້ຮັບການຍ້ອງຍໍຊົມເຊີຍຈາກປະຊາຄົມໂລກ.
ໃນປັດຈຸບັນ, ປະຊາຄົມໂລກທົ່ວໄປເຫັນວ່າ: ສະພາບການໃນປັດຈຸບັນນີ້ຄ້າຍຄືກັນກັບສະພາບການໃນຕົ້ນປີ 2017, ພະຍາດໂຄວິດ-19 ຍັງແຜ່ລະບາດໃນທົ່ວໂລກຢູ່, ເສດຖະກິດໂລກຊຸດໂຊມລົງຢ່າງໜັກໜ່ວງ, ມີສິ່ງທ້າທາຍທີ່ມີຕໍ່ໂລກເກີດຂຶ້ນຢ່າງບໍ່ຢຸດຢັ້ງ. ທ່ານສີຈິ້ນຜິງ ປະທານປະເທດຈີນຈະເຂົ້າຮ່ວມກອງປຊຸມສົນທະນາ “ວາລະການດາວອສ” ຂອງເວທີປຶກສາຫາລືເສດຖະກິດໂລກ. ພວກຂ້າພະເຈົ້າມີຄວາມຫວັງ ແລະເຊື່ອໝັ້ນວ່າ: ກອງປະຊຸມສົນທະນາຄັ້ງນີ້ຈະຊ່ວຍເຕົ້າໂຮມຄວາມເຫັນເປັນເອກະພາບກັນໃນທົ່ວໂລກ, ສ້າງຄວາມໄວ້ເນື້ອເຊື່ອໃຈກັນຄືນໃໝ່, ຟື້ນຟູການຮ່ວມມືໃນທົ່ວໂລກ, ເຕົ້າໂຮມຄວາມຄິດຄວາມເຫັນຂອງຝ່າຍຕ່າງໆຢ່າງກວ້າງຂວາງເພື່ອປະກອບສ່ວນເຂົ້າໃນການແກ້ໄຂບັນຫາຂອງໂລກຢ່າງຮີບດ່ວນທີ່ປະຊາຄົມໂລກພວມຜະເຊີນຢູ່.
ຄຳເຫັນ
0