ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ມັງກອນນີ້, ທ່ານນາງຮວ້າຊຸ່ນຢິງ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວວ່າ: ເຖິງວ່າຈີນແລະອາເມຣິກາມີຄວາມຂັດແຍ້ງກັນກໍຕາມ, ແຕ່ສອງຝ່າຍມີຜົນປະໂຫຍດຮ່ວມແລະຊ່ອງທາງການຮ່ວມມືທີ່ກວ້າງຂວາງ, ຫວັງວ່າລັດຖະບານຊຸດໃໝ່ຂອງອາເມຣິກາກັບຈີນຈະສາມາດໄປຕາມທິດທາງທີ່ຄືກັນ.
ຕາມຂ່າວລາຍງານວ່າ: ທ່ານKurt Campbell ເກີດ ກາມເບວ ຜູ້ຖືກສະເໜີຊື່ເປັນຜູ້ປະສານງານພາກພື້ນອິນເດຍແລະປາຊີຝິກຂອງຄະນະກຳມະການປ້ອງກັນຄວາມປອດໄພແຫ່ງຊາດທຳນຽບຂາວອາເມຣິກາກ່າວວ່າ: ຖ້າວ່າການພົວພັນລະຫວ່າງຈີນ-ອາເມຣິກາໄປຕາມເສັ້ນທາງປັດຈຸບັນ, ກໍຈະເຂົ້າສູ່ສະພາບການອັນຕະລາຍຫຼາຍ. ສອງຝ່າຍຄວນຢຸດຕິການກະທຳທີ່ເປັນປໍລະປັກກັນ, ສ້າງຊ່ອງທາງແລະກົນໄກພົວພັນທີ່ເໝາະສົມ ແລະໃຊ້ການກະທຳທີ່ອ່ອນໂຍນຈຳນວນໜຶ່ງ ເພື່ອສົ່ງສັນຍາຕັ້ງໜ້າໃຫ້ແກ່ຈີນ ເພື່ອປັບປຸງການພົວພັນລະຫວ່າງສອງຝ່າຍໃຫ້ດີຂຶ້ນ.
ທ່ານນາງຮວ້າຊຸ່ນຢິງໄດ້ຊີ້ໃຫ້ເຫັນໃນເວລາຕອບຄຳຖາມທີ່ກ່ຽວຂ້ອງວ່າ: ຈີນເຫັນມາໂດຍຕະຫຼອດວ່າ: ການພົວພັນລະຫວ່າງຈີນ-ອາເມຣິກາທີ່ດີງາມສອດຄ່ອງກັບຜົນປະໂຫຍດພື້ນຖານຂອງປະຊາຊົນສອງຊາດ ທັງແມ່ນຄວາມຄອງຄອຍຮ່ວມຂອງປະຊາຄົມໂລກ. ເຖິງວ່າຈີນແລະອາເມຣິກາມີຄວາມຂັດແຍ້ງກັນກໍຕາມ, ແຕ່ສອງຝ່າຍມີຜົນປະໂຫຍດຮ່ວມແລະຊ່ອງທາງການຮ່ວມມືທີ່ກວ້າງຂວາງ ແລະມີໜ້າທີ່ຮັບຜິດຊອບພິເສດຕໍ່ສັນຕິພາບແລະການພັດທະນາຂອງໂລກ.
ຄຳເຫັນ
0