ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ມັງກອນນີ້, ທ່ານຊາຣົ ມີແຊນ ປະທານສະພາມົນຕີສະຫະພາບເອີຣົບກ່າວວ່າ: ເມື່ອທ່ານໂຈ ໄບເດັນຂຶ້ນດຳລົງຕຳແໜ່ງເປັນປະທານາທິບໍດີອາເມຣິກາແລ້ວກໍຈະສ້າງໂອກາດໃຫ້ແກ່ການຟື້ນຟູສາຍພົວພັນຂ້າມມະຫາສະໜຸດອັດລັງຕິກຄືນໃໝ່, ແຕ່ຂໍ້ຂັດແຍ້ງຫຼາຍຢ່າງລະຫວ່າງເອີຣົບ ແລະອາເມຣິກາຈະບໍ່ໝົດສິ້ນໄປ, ສະຫະພາບເອີຣົບຕ້ອງເສີມຂະຫຍາຍບົດບາດທີ່ສຳຄັນກວ່າເກົ່າໃນເວທີສາກົນ ແລະເພີ່ມທະວີຄວາມເປັນເຈົ້າຕົນເອງທາງຍຸດທະສາດຕື່ມອີກ.
ທ່ານຍັງກ່າວຕື່ມວ່າ: ໃນຊຸມປີຜ່ານມາ, ສະພາບການຂອງໂລກນັບມື້ນັບສັບສົນ, ບໍ່ໝັ້ນຄົງ ແລະຍາກທີ່ຈະຄາດຄະເນໄດ້, ສະນັ້ນ ປະຊາຊົນເອີຣົບຍິ່ງຕ້ອງກຳຊາຕາກຳຂອງຕົນໃຫ້ແໜ້ນໜຽວ, ມີຄວາມເຂັ້ມແຂງກວ່າເກົ່າໃນຂົງເຂດການປ້ອງກັນປະເທດ ແລະຄວາມໝັ້ນຄົງ, ຮ່ວມມືກັບຄູ່ຮ່ວມມືທີ່ເຂັ້ມແຂງ ແລະມີຄວາມໜ້າເຊື່ອຖື.
ທ່ານມີແຊນໄດ້ສະເໜີໃນມື້ດຽວກັນວ່າ: ເອີຣົບ ແລະອາເມຣິກາຄວນເພີ່ມທະວີການຮ່ວມມືໃນ 5 ຂົງເຂດ, ເຊັ່ນ: ຊຸກຍູ້ການຮ່ວມມືຕາມລັດທິຫຼາຍຝ່າຍ, ຮ່ວມກັນຕ້ານກັບພະຍາດໂຄວິດ-19, ຮ່ວມກັນຮັບມືກັບການປ່ຽນແປງຂອງດິນຟ້າອາກາດ ແລະອື່ນໆ.
ໃນມື້ດຽວກັນ, ທ່ານເອຊູລາ ວອນເດີ ເລເຢັນ ປະທານຄະນະກຳມາທິການສະຫະພາບເອີຣົບໄດ້ກ່າວຄຳປາໄສຕໍ່ສະພາເອີຣົບວ່າ: ສະຫະພາບເອີຣົບໄດ້ກຽມພ້ອມແລ້ວທີ່ຈະສ້າງສາຍພົວພັນກັບອາເມຣິກາຄືນໃໝ່, ແຕ່ໃນຂະນະດຽວກັນ, ສະຫະພາບເອີຣົບກໍຄວນຮັບຮູ້ຢ່າງຈະແຈ້ງວ່າ: ສາຍພົວພັນເອີຣົບ-ອາເມຣິກາໃນປັດຈຸບັນນີ້ຍັງມີສິ່ງທ້າທາຍທີ່ຜະເຊີນຢູ່.
ຄຳເຫັນ
0