ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວຈາກເວັບໄຊກະຊວງການຕ່າງປະເທດຈີນທີ່ເຜີຍແຜ່ໃນຕອນເຊົ້າຂອງວັນທີ 21 ມັງກອນນີ້, ໂຄສົກກະຊວງການຕ່າງປະເທດຈີນໄດ້ປະກາດວ່າ, ຈີນຈະໃຊ້ ມາດຕະການຂວ້ຳບາດຕໍ່ 28 ຄົນ ເຊິ່ງລວມທັງ ໄມ ພົມເພວ ແລະ ບຸກຄົນອື່ນໆທີ່ມີຄວາມຮັບຜິດຊອບຕົ້ນຕໍທີ່ໄດ້ລ່ວງລະເມີດອະທິປະໄຕຢ່າງໜັກໜ່ວງໃນບັນຫາທີ່ກ່ຽວຂ້ອງກັບຈີນ.
ໂຄສົກກະຊວງການຕ່າງປະເທດຊີ້ອອກວ່າ, ໃນຫຼາຍປີທີ່ຜ່ານມາ, ນັກການເມືອງຕ້ານຈີນຈຳນວນໜຶ່ງຂອງອາເມຣິກາຍ້ອນມີຜົນປະໂຫຍດການເມືອງສ່ວນຕົວ ແລະ ມີຄວາມເຫັນທີ່ອະຄະຕິຕໍ່ຈີນ, ໂດຍບໍ່ເອົາຫົວຊາຕໍ່ຜົນປະໂຫຍດຂອງປະຊາຊົນສອງປະເທດຈີນ-ອາເມຣິກາ, ໄດ້ວາງແຜນ ແລະ ຊຸກຍູ້ການໃຊ້ການກະທຳທີ່ບ້ວງບ້າຕ່າງໆ, ເຊິ່ງໄດ້ແຊກແຊງວຽກງານພາຍໃນຂອງຈີນ, ທຳລາຍຜົນປະໂຫຍດຂອງຈີນ ແລະທຳລາຍຈິດໃຈຂອງປະຊາຊົນຈີນຢ່າງໜັກໜ່ວງ, ທັງໄດ້ທຳລາຍການພົວພັນຈີນ-ອາເມຣິກາຢ່າງຮ້າຍແຮງ. ລັດຖະບານຈີນຈຶ່ງຕັດສິນໃຈຢ່າງເດັດດ່ຽວໜຽວແໜ້ນເພື່ອປົກປ້ອງຜົນປະໂຫຍດດ້ານອະທິປະໄຕ ຄວາມໝັ້ນຄົງແລະ ການພັດທະນາຂອງປະເທດຕົນ.
ຈີນຕົກລົງໃຊ້ ມາດຕະການຂວ້ຳບາດຕໍ່ 28 ຄົນທີ່ມີຄວາມຮັບຜິດຊອບຕົ້ນຕໍທີ່ໄດ້ລ່ວງລະເມີດອະທິປະໄຕຢ່າງໜັກໜ່ວງໃນບັນຫາທີ່ກ່ຽວຂ້ອງກັບຈີນ, ເຊິ່ງລວມທັງທ່ານໄມ ພົມເພວ, ປີເຕີ ນາວາໂຣ, ໂຣເບີດ ໂອໄບຣາອນ, ສະເຕເຟັນ ແບນນອນ ແລະຄົນອື່ນໆໃນລັດຖະບານທຣຳ. ຄົນເຫຼົ່ານີ້ ແລະ ຄອບຄົວຂອງເຂົາເຈົ້າໄດ້ຖືກຫ້າມເຂົ້າສູ່ແຜ່ນດິນໃຫຍ່ຈີນ, ເຂດຮົງກົງ ແລະ ເຂດມາກາວຂອງຈີນ, ເຂົາເຈົ້າ ພ້ອມດ້ວຍ ວິສາຫະກິດແລະ ອົງການຈັດຕັ້ງທີ່ກ່ຽວຂ້ອງກໍໄດ້ຖືກຈຳກັດໃນການຄົບຄ້າ ແລະ ເຮັດທຸລະກິດກັບຈີນ.
ຄຳເຫັນ
0