ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກ່ຽວກັບສະພາບການແຜ່ລະບາດຂອງພະຍາດໂຄວິດ-19ຢູ່ອາເມຣິກາໃນປັດຈຸບັນ, ທ່ານນາງຮວ້າຊຸ່ນຢິງ ໂຄສົກກະຊວງການຕ່າງປະເທດຈີນໄດ້ກ່າວຢືນຢັນໃນກອງປະຊຸມຖະແຫຼງຂ່າວປະຈຳທີ່ຈັດຂຶ້ນໃນວັນທີ 21 ມັງກອນນີ້ວ່າ: ທ່ານປະທານສີຈິ້ນຜິງໄດ້ກ່າວມາຫຼາຍເທື່ອແລ້ວວ່າ ຄວາມສາມັກຄີແລະການຮ່ວມມືກັນເປັນອາວຸດທີ່ເຂັ້ມແຂງທີ່ສຸດໃນການເອົາຊະນະພະຍາດ. ຈີນຍິນດີສືບຕໍ່ການເພີ່ມທະວີການຮ່ວມມືກັບບັນດາປະເທດເຊິ່ງລວມທັງປະເທດອາເມຣິກາ ທັງຍິນດີສືບຕໍ່ໃຫ້ການຊ່ວຍເຫຼືອແລະການສະໜັບສະໜູນອາເມຣິກາຕ້ານກັບພະຍາດຕາມຄວາມສາມາດຂອງຕົນ.
ຂ່າວແຈ້ງວ່າ: ໃນເວລາກ່າວສູນທອນພົດຂຶ້ນຮັບຕຳແໜ່ງເປັນປະທານາທິບໍດີອາເມຣິກາຄົນໃໝ່, ທ່ານໂຈ ໄບເດັນໄດ້ຢືນຢັນວ່າ ອາເມຣິກາກຳລັງເຂົ້າສູ່ໄລຍະທີ່ມືດມົນແລະອັນຕະລາຍທີ່ສຸດທ່າມກາງການແຜ່ລະບາດຂອງພະຍາດ, ເຊິ່ງຕ້ອງການກຳລັງທຸກດ້ານເພື່ອຜ່ານຜ່າລະດູໜາວອັນມືດມົນ. ກ່ຽວກັບເລື່ອງນີ້, ໃນເວລາຕອບຄຳຖາມຂອງນັກຂ່າວ,ກ່ອນອື່ນທ່ານນາງຮວ້າຊຸ່ນຢິງ ໄດ້ສະແດງຄວາມເສົ້າສະຫຼົດໃຈຢ່າງສຸດຊຶ້ງຕໍ່ການເສຍຊີວິດຂອງປະຊາຊົນອາເມຣິກາຍ້ອນພະຍາດໂຄວິດ-19, ທ່ານຍັງກ່າວອີກວ່າ:
“ພວກຂ້າພະເຈົ້າໄດ້ສຸມຄວາມພະຍາຍາມຕາມຄວາມສາມາດຂອງຕົນໃນການສະໜັບສະໜູນແລະຊ່ວຍເຫຼືອປະຊາຊົນອາເມຣິກາຕ້ານກັບພະຍາດ. ຕາມສະຖິຕິໃນເບື້ອງຕົ້ນຂອງພາກສ່ວນທີ່ກ່ຽວຂ້ອງຂອງຈີນ, ນັບແຕ່ວັນທີ 1 ມີນາປີຜ່ານມາຈົນຮອດວັນທີ 10 ມັງກອນປີນີ້, ຈີນໄດ້ໃຫ້ການສະໜັບສະໜູນຜ່ານຈາກຊ່ອງທາງຕ່າງໆເຊັ່ນ ການສົ່ງອອກແລະການຊ່ວຍເຫຼືອເປັນຕົ້ນ, ໄດ້ສະໜອງຜ້າປິດປາກໃຫ້ອາເມຣິກາຫຼາຍກວ່າ 42 ຕື້ອັນ, ຊົບມື 900 ລ້ານກວ່າຄູ່, ຊຸດປ້ອງກັນ 780 ລ້ານຊຸດ, ແວ່ນຕາກັນພະຍາດ 50,66 ລ້ານອັນ, ເຄື່ອງຊ່ວຍຫາຍໃຈ 15.648 ເຄື່ອງ, ເຄື່ອງຊ່ວຍຫາຍໃຈອະເໜກປະສົງ 257 ເຄື່ອງ. ນອກນີ້, ແຂວງແລະກຳແພງນະຄອນທີ່ກ່ຽວຂ້ອງ, ອົງການຈັດຕັ້ງມິດຕະພາບ, ອົງການຈັດຕັ້ງມະຫາຊົນ, ວິສາຫະກິດແລະອົງການອື່ນໆພາຍໃນປະເທດຈີນຕ່າງກໍໄດ້ໃຫ້ການຊ່ວຍເຫຼືອອຸປະກອນການແພດປະເພດຕ່າງໆຈຳນວນບໍ່ໜ້ອຍແກ່ອາເມຣິກາ. ”
ຄຳເຫັນ
0