ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ມັງກອນນີ້, ສຳນັກງານອົງການອະນາໄມໂລກປະຈຳພາກພື້ນອາຟີຣິກາໄດ້ຈັດກອງປະຊຸມຖະແຫຼງຂ່າວທາງອ໋ອນລາຍໂດຍໄດ້ຍົກໃຫ້ເຫັນແຜນປະຕິບັດງານກ່ຽວກັບການສັກວັກຊີນປ້ອງກັນພະຍາດໂຄວິດ-19 ຂະໜາດໃຫຍ່ຢູ່ອາຟຣິກາພ້ອມດ້ວຍຄວາມຫຍຸ້ງຍາກທີ່ພວມຜະເຊີນຢູ່. ທ່ານນາງມັດຊີດີໂຊ ເຣເບຄາ ໂມຕີ ຫົວໜ້າສຳນັກງານອົງການອະນາໄມໂລກປະຈຳພາກພື້ນອາຟຣິກກາກ່າວວ່າ: ພາຍໃນເວລາອັນສັ້ນໆຫຼັງພົບເຊື້ອພະຍາດໂຄວິດ-19, ທົ່ວໂລກກໍໄດ້ຄົ້ນຄວ້າພັດທະນາທັງອະນຸມັດການນຳໃຊ້ວັກຊີນປ້ອງກັນພະຍາດໂຄວິດ-19 ທີ່ປອດໄພແລະມີປະສິດທິຜົນຈຳນວນຫຼາຍຊະນິດ, ນີ້ຄືຜົນສຳເລັດທີ່ສຸດຍອດຢ່າງໜຶ່ງ. ແຕ່ເນື່ອງຈາກວ່າ ບາງປະເທດໄດ້ເຊັນສັນຍາສອງຝ່າຍກ່ຽວກັບການຈັດຊື້ວັກຊີນປ້ອງກັນພະຍາດໂຄວິດ-19 ແລ້ວໄດ້ກັກຕຸນວັກຊີນເປັນຈຳນວນຫຼວງຫຼາຍ ຈິ່ງພາໃຫ້ລາຄາວັກຊີນຖີບຕົວສູງຂຶ້ນ ເຊິ່ງຈະສົ່ງຜົນກະທົບຢ່າງໃຫຍ່ຫຼວງຕໍ່ປະເທດອາຟຣິກາໃນການຟື້ນຄືນຈາກສະພາບການແຜ່ລະບາດຂອງພະຍາດ.
ຕາມຂໍ້ມູນຂອງອົງການອະນາໄມໂລກສະແດງໃຫ້ເຫັນວ່າ: ນັບມາຮອດຕົ້ນອາທິດນີ້, ໃນປະເທດທີ່ມີລາຍຮັບສູງຈຳນວນ 50 ປະເທດ ໄດ້ສັກວັກຊີນປ້ອງກັນພະຍາດໂຄວິດ-19 ແລ້ວປະມານ 40 ລ້ານຫຼອດ. ສ່ວນຢູ່ອາຟຣິກກາ, ສາທາລະນະລັດກີເນເປັນປະເທດທີ່ມີລາຍໄດ້ຕ່ຳພຽງປະເທດດຽວທີ່ໄດ້ສະໜອງວັກຊີນໃຫ້ປະຊາຊົນ, ແຕ່ປະເທດນີ້ມີພຽງ 25 ຄົນເທົ່ານັ້ນທີ່ໄດ້ສັກວັກຊີນໂຄວິດ-19.
ຄຳເຫັນ
0