ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສື່ມວນຊົນຫຼາຍແຫ່ງຢູ່ອາເມຣິກາລາຍງານວ່າ: ວັນທີ 16 ເມສານີ້ຕາມເວລາທ້ອງຖິ່ນ, ຜູ້ປະທ້ວງຢູ່ຫຼາຍແຫ່ງຂອງອາເມຣິກາໄດ້ເດີນທາງໄປທ້ອງຖະໜົນເພື່ອປະທ້ວງຕໍ່ການບັງຄັບໃຊ້ກົດໝາຍດ້ວຍຄວາມຮຸນແຮງຂອງຕຳຫຼວດ. ເຫດການທ້າວ ດອນເຕ ໄຣດ ຜູ້ຊາຍຜິວດຳຢູ່ລັດມິນເນໂຊຕາຂອງອາເມຣິກາແລະ ທ້າວ ອາດາມ ໂຕເລໂດ ເຍົາວະຊົນທີ່ມີອາຍຸ 13 ປີຂອງນະຄອນຊີກາໂກຖືກຕຳຫຼວດຍິງຕາຍ ເຮັດໃຫ້ປະຊາຊົນອາເມຣິກາມີຄວາມບໍ່ພໍໃຈຢ່າງຮຸນແຮງ.
ວັນທີ 16 ເມສານີ້, ຢູ່ສະຖານທີ່ທີ່ລັດມິນເນໂຊຕາທີ່ທ້າວດອນເຕ ໄຣດເລ ຖືກຍິງສັງຫານນັ້ນ, ຜູ້ປະທ້ວງໄດ້ເຕົ້າໂຮມຢູ່ນອກສິ່ງກໍ່ສ້າງອົງການຕຳຫຼວດ, ມີຄົນໄດ້ບຸກເຂົ້າແລະທຳລາຍສິ່ງປ້ອງກັນຢູ່ອ້ອມອາຄານອົງການດັ່ງກ່າວ,ເຮັດໃຫ້ເກີດການປະທະກັນລະຫວ່າງຕຳຫຼວດກັບປະຊາຊົນ. ຂ່າວແຈ້ງວ່າ: ເຈົ້າໜ້າທີ່ຕຳຫຼວດໄດ້ຈັບຕົວຜູ້ປະທ້ວງປະມານ 100 ຄົນໃນການເຄື່ອນໄຫວປະທ້ວງຄັ້ງນີ້.
ຄຳເຫັນ
0