ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ເມສານີ້, ທ່ານອັນເດຣ ກູຟ ໂກເຣຍ ລັດຖະມົນຕີກະຊວງວິທະຍາສາດແລະເຕັກໂນໂລຊີຊີເລກ່າວວ່າ: ຕົວເລກຫຼ້າສຸດກ່ຽວກັບປະສິດທິຜົນຂອງວັກຊີນຊີນໂນແວກຂອງຈີນທີ່ປະກາດໂດຍກະຊວງສາທາລະນະສຸກຊີເລເຮັດໃຫ້ຄົນຕື່ນເຕັ້ນດີໃຈຫຼາຍ.
ທ່ານໂກເຣຍກ່າວວ່າ: ຊີເລພວມດຳເນີນແຜນການສັກວັກຊີນໂຄວິດ-19 ຢ່າງຂະໜາດໃຫຍ່ດ້ວຍຄວາມສະດວກ ເຊິ່ງມີປະຊາຊົນຫຼາຍກວ່າ 5 ລ້ານຄົນໄດ້ສັກວັກຊີນສອງເຂັມແລ້ວ, ເປົ້າໝາຍແມ່ນໃຫ້ປະຊາຊົນ 15 ລ້ານຄົນໄດ້ສັກວັກຊີນເມື່ອຮອດກາງປີນີ້. ຜົນຂອງການຄົ້ນຄວ້າສະແດງໃຫ້ເຫັນວ່າ: ວັກຊີນຊີນໂນແວກຂອງຈີນມີປະສິດທະຜົນຫຼາຍໃນການປ້ອງກັນການຕິດເຊື້ອທີ່ມີອາການ, ການປ້ອງກັນການປິ່ນປົວຢູ່ໂຮງໝໍ, ສາມາດຫຼີກເວັ້ນບໍ່ໃຫ້ເກີດມີອາການໜັກແລະເສຍຊີວິດ.
ວັນທີ 16 ເມສານີ້, ກະຊວງສາທາລະນະສຸກຊີເລໄດ້ປະກາດຜົນການຄົ້ນຄວ້າຕົວຈິງຂອງໂລກກ່ຽວກັບປະສິດທິຜົນຂອງວັກຊີນຊີນໂນແວກຂອງຈີນໃນການປ້ອງກັນພະຍາດ ເຊິ່ງສະແດງໃຫ້ເຫັນວ່າ: ພາຍຫຼັງສັກວັກຊີນເຂັມທີສອງໄດ້ 14 ວັນ, ອັດຕາສ່ວນປະສິດທິຜົນໃນການປ້ອງກັນການຕິດເຊື້ອທີ່ມີອາການແມ່ນ 67%, ອັດຕາສ່ວນປະສິດທິຜົນໃນການປ້ອງກັນການປິ່ນປົວຢູ່ໂຮງໝໍແມ່ນ 85%, ອັດຕາສ່ວນປະສິດທິຜົນໃນການປ້ອງກັນອາການໜັກທີ່ຕ້ອງເຂົ້າຫ້ອງສຸກເສີນແມ່ນ 89% ແລະອັດຕາສ່ວນປະສິດທິຜົນໃນການປ້ອງກັນການເສຍຊີວິດແມ່ນ 80%.
ຄຳເຫັນ
0