ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ເມສານີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວວ່າ: ສະພາຄວາມໝັ້ນຄົງອົງການ ສປຊ ໄດ້ຈັດກອງປະຊຸມອະພິປາຍລະດັບສູງຢ່າງເປີດເຜີຍກ່ຽວກັບການເພີ່ມທະວີການຮ່ວມມືລະຫວ່າງອົງການ ສປຊ ກັບອົງການຈັດຕັ້ງພາກພື້ນແລະອະນຸພາກພື້ນໃນວັນທີ 19 ເມສານີ້.
ທ່ານວ່າງເວີນປິ່ນກ່າວວ່າ: ປັດຈຸບັນ, ໂລກພວມຜະເຊີນໜ້າກັບການປ່ຽນແປງທີ່ບໍ່ເຄີຍມີມາກ່ອນໃນຮອບຮ້ອຍປີຜ່ານມາແລະສະພາບການແຜ່ລະບາດຂອງພະຍາດໂຄ ວິດ-19 ທີ່ໜັກໜ່ວງ, ຂົງເຂດສັນຕິພາບແລະຄວາມໝັ້ນຄົງສາກົນມີສິ່ງທ້າທາຍທີ່ພົ້ນເດັ່ນ, ບັນຫາຄວາມໝັ້ນຄົງທີ່ມີຢູ່ແລ້ວແລະເກີດຂຶ້ນໃໝ່ໄດ້ປົນເປກັນ. ພາຍໃຕ້ສະພາບການແບບນີ້, ຫວຽດນາມທີ່ເປັນປະເທດປະທານໝູນວຽນເດືອນເມສາຂອງສະພາຄວາມໝັ້ນຄົງ ໄດ້ລິເລີ່ມຈັດກອງປະຊຸມອະພິປາຍດັ່ງກ່າວເຊິ່ງມີຄວາມໝາຍສຳຄັນຫຼາຍ.
ທ່ານກ່າວຕື່ມວ່າ: “ພວກຂ້າພະເຈົ້າຫວັງວ່າຝ່າຍຕ່າງໆຈະຖືເອົາກອງປະຊຸມຄັ້ງນີ້ເປັນໂອກາດ, ຮ່ວມກັນຊຸກຍູ້ ສປຊ ເພີ່ມທະວີການຮ່ວມມືກັບອົງການຈັດຕັ້ງພາກພື້ນແລະອະນຸພາກພື້ນຕ່າງໆຕື່ມອີກ, ເຕົ້າໂຮມຄວາມເຫັນທີ່ເປັນເອກະພາບກັນເພື່ອສາມັກຄີຮ່ວມມືກັນ, ຮ່ວມກັນປົກປ້ອງລັດທິຫຼາຍຝ່າຍ, ຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ.”
ຄຳເຫັນ
0