ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ22ກັນຍານີ້,ທຳນຽບປະທານາທິບໍດີຝລັ່ງໄດ້ອອກຖະແຫຼງການຮ່ວມໂດຍກ່າວວ່າ: ມື້ດຽວກັນ ທ່ານເອມມານູແອນ ມາຄຣົງ ປະທານາທິບໍດີຝລັ່ງແລະທ່ານໂຈ ໄບເດັນ ປະທານາທິບໍດີອາເມຣິກາໄດ້ໂທລະສັບສົນທະນາກັນກ່ຽວກັບສາຍພົວພັນລະຫວ່າງສອງປະເທດ. ທ່ານມາຄຣົງໄດ້ຕົກລົງວ່າ ເອກອັກຄະລັດຖະທູດຝລັ່ງປະຈຳອາເມຣິກາທີ່ໄດ້ຮຽກກັບຄືນປະເທດກ່ອນໜ້ານີ້ ຈະກັບຄືນໄປປະຕິບັດໜ້າທີ່ປະຈຳຢູ່ອາເມຣິກາຄືເກົ່າໃນອາທິດໜ້າ.
ຖະແຫຼງການກ່າວວ່າ: ໂດຍອີງຕາມຄວາມຮຽກຮ້ອງຂອງທ່ານໂຈ ໄບເດັນ,ຜູ້ນຳສອງປະເທດໄດ້ໂທລະສັບສົນທະນາກັນໃນມື້ດຽວກັນ.ສອງຝ່າຍໄດ້ເປັນເອກະພາບກັນໂດຍເຫັນວ່າ: ຖ້າວ່າເປີດກວ້າງການປຶກສາຫາລືໃນບັນຫາທີ່ກ່ຽວພັນເຖິງຜົນປະໂຫຍດທາງຍຸດທະສາດຂອງຝລັ່ງແລະປະເທດພັນທະມິດເອີລົບ,ກໍ່ຈະສາມາດຫຼີກລ່ຽງສະພາບການໃນປັດຈຸບັນໄດ້. ຜູ້ນຳສອງປະເທດເຫັນດີວ່າຈະເລີ່ມຂະບວນການປຶກສາຫາລືກັນຢ່າງເລິກເຊິ່ງ ເຊິ່ງຈະຈັດໃຫ້ມີການພົບປະກັນຢູ່ເອີລົບໃນທ້າຍເດືອນຕຸລາໜ້ານີ້.
ຄຳເຫັນ
0