ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໜັງສືພິມ “ໂຕກຽວຊິນບຸນ” ສະບັບວັນທີ 21 ກັນຍານີ້ໄດ້ລາຍງານວ່າ: ບໍລິສັດພະລັງງານໄຟຟ້າໂຕກຽວແຈ້ງຂ່າວວ່າ: ໃນ “ອຸປະກອນກຳຈັດລັງສີນິວເຄຼຍ” ທີ່ໃຊ້ເຂົ້າໃນການກັ່ນຕອງນ້ຳປົນເປື້ອນນິວເຄຼຍຂອງໂຮງໄຟຟ້ານິວເຄຼຍເລກ 1 ຟຸຄຸຊິມະນັ້ນ, ໄດ້ພົບເຫັນເຄື່ອງກັ່ນຕອງ 5 ເຄື່ອງເປ່ເພແລ້ວ ເຊິ່ງເຮັດໃຫ້ຈຳນວນເຄື່ອງກັ່ນຕອງທີ່ເປ່ເພໄປແລ້ວໄດ້ເພີ່ມຂຶ້ນເປັນ 29 ໜ່ເຄື່ອງແລ້ວ ນັບແຕ່ທ້າຍເດືອນສິງຫາເປັນຕົ້ນມາ. ເຈົ້າໜ້າທີ່ບໍລິສັດພະລັງງານໄຟຟ້າໂຕກຽວກ່າວວ່າ: ໄດ້ກວດພົບສິ່ງປົນເປື້ອນລັງສີຢູ່ເຂດໃກ້ກັບປາກທີ່ລະບາຍເຄື່ອງກັ່ນຕອງສ່ວນໜຶ່ງແລ້ວ. ແຕ່ວ່າ: ບໍລິສັດພະລັງງານໄຟຟ້າໂຕກຽວໄດ້ເວົ້າແກ້ໂຕວ່າ: ສິ່ງນີ້ບໍ່ໄດ້ສ້າງຜົນກະທົບຕໍ່ພາຍນອກ ດ້ວຍຂໍ້ອ້າງທີ່ວ່າ: “ຂອບເຂດປົນເປື້ອນບໍ່ກວ້າງ”.
ສິ່ງທີ່ບໍ່ຄວນເບິ່ງຂ້າມນັ້ນກໍແມ່ນ: ບໍລິສັດພະລັງງານໄຟຟ້າໂຕກຽວໄດ້ພົບເຫັນບັນຫາເປ່ເພຂອງ “ອຸປະກອນກຳຈັດລັງສີນິວເຄຼຍ” ໃນ 2 ປີກ່ອນແລ້ວ, ແຕ່ກໍບໍ່ໄດ້ວິໄຈສາຍເຫດ ແລະ ປະຕິບັດການກວດກາຄຸນນະພາບຢ່າງເປັນປະຈຳ, ພຽງແຕ່ໄດ້ປ່ຽນເຄື່ອງໃໝ່ກໍໃຊ້ຕໍ່ໄປອີກ.
ຄຳເຫັນ
0