ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນໄລຍະຈັດກອງປະຊຸມລະດັບສູງຂອງສະມັດຊາໃຫຍ່ອົງການສະຫະປະຊາຊາດຄັ້ງທີ76, ກອງປະຊຸມສຸດຍອດດ້ານພະລັງງານຂອງອົງການສະຫະປະຊາຊາດໄດ້ຈັດຂຶ້ນທີ່ນິວຢອກ ໃນວັນທີ24ກັນຍານີ້ຕາມເວລາທ້ອງຖິ່ນໂດຍຜ່ານທາງວິດີໂອ.
ໃນກອງປະຊຸມ,ບັນດາຝ່າຍໄດ້ຮຽກຮ້ອງໃຫ້ສະໜອງພະລັງງານທີ່ສະອາດກວ່າເກົ່າ,ຍຸດຕິທຳກວ່າເກົ່າ ແລະຍືນຍົງກວ່າເກົ່າໃຫ້ກັບໂລກ.ທ່ານອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດໄດ້ກ່າວຄຳປາໄສໃນພິທີເປີດກອງປະຊຸມວ່າ: ປັດຈຸບັນ ຊາວໂລກຫຼາຍຮ້ອຍລ້ານຄົນໄດ້ຜະເຊີນໜ້າກັບບັນຫາການຂາດເຂີນພະລັງງານຕ່າງໆເຊັ່ນ:ພະລັງງານໄຟຟ້າເປັນຕົ້ນ, ສ່ວນການຜະລິດພະລັງງານພັດໄດ້ກາຍເປັນສາເຫດຕົ້ນຕໍຂອງວິກິດການດ້ານດິນຟ້າອາກາດ,ເຊິ່ງເຮັດໃຫ້ການແກ້ໄຂບັນຫາພະລັງງານມີຄວາມໝາຍສອງດ້ານ ຄື:ຕ້ອງແກ້ໄຂບັນຫາການຂາດແຄນພະລັງງານ,ໃນຂະນະດຽວກັນກໍຕ້ອງຈຳກັດພະລັງງານທີ່ອາດຈະສົ່ງຜົນກະທົບຕໍ່ດິນຟ້າອາກາດ.
ທ່ານກູເຕີເຣັສໄດ້ຮຽກຮ້ອງໃຫ້ລັດຖະບານບັນດາປະເທດຈົ່ງພະຍາຍາມເຮັດວຽກໃຫ້ຫຼາຍຂຶ້ນບົນພື້ນຖານການຮ່ວມມືສາກົນ, ໃຫ້ການສະໜັບສະໜູນຕາມຄວາມຕ້ອງການຂອງໂລກໃນການພັດທະນາພະລັງງານຢ່າງຍຸຕິທຳ,ເອື້ອເຟືຶ້ອເຜື່ອແຜ່ແລະຍືນຍົງ,ເພື່ອຮັບປະກັນໃຫ້ໝົດທຸກຄົນສາມາດຊົມໃຊ້ພະລັງງານໝູນວຽນໄດ້.
ຄຳເຫັນ
0