ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ກັນຍານີ້ຕາມເວລາທ້ອງຖິ່ນ, ທ່ານເຊີເກ ລາຟຣົຟ ລັດຖະມົນຕີກະຊວງການຕ່າງປະເທດຣັດເຊຍໄດ້ກ່າວໃນກອງປະຊຸມສະມັດຊາໃຫຍ່ອົງການສະຫະປະຊາຊາດຄັ້ງທີ 76 ວ່າ: ຫວ່າງມໍ່ໆມານີ້, ຣັດເຊຍໄດ້ສັງເກດເຫັນວ່າປະເທດສ່ວນໜຶ່ງມີເຈດຕະນາຢາກຫລຸດບົດບາດຂອງອົງການສະຫະປະຊາຊາດໃນດ້ານການແກ້ໄຂບັນຫາສາກົນທີ່ພວມຜະເຊີນຢູ່ໃນປັດຈຸບັນໃຫ້ໜ້ອຍລົງ, ປະເທດເຫລົ່ານີີ້ມີເຈດຕະນາບໍ່ຢາກໃຫ້ອົງການສະຫະປະຊາຊາດສະແດງບົດບາດສຳຄັນ, ຫລືເຮັດໃຫ້ອົງການສະຫະປະຊາຊາດກາຍເປັນເຄື່ອງມືທີ່ສະແຫວງຫາຜົນປະໂຫຍດສ່ວນຕົວ. ເຈດຕະນາເຫລົ່ານີ້ສາມາດເຫັນໄດ້ຢ່າງຈັດເຊນຈາກຖ້ອຍຄວາມທີ່ວ່າ “ລະບຽບສາກົນບົນພື້ນຖານກົດລະບຽບ”ຂອງປະເທດຕາເວັນຕົກ.
ທ່ານເຊີເກ ລາຟຣົຟກ່າວຕື່ມວ່າ: ຍົກຕົວຢ່າງຫລ້າສຸດກໍຄືອາເມຣິກາໄດ້ສະເໜີໃຫ້ຈັດກອງປະຊຸມທີ່ວ່າ “ກອງປະຊຸມສຸດຍອດຂອງປະເທດປະຊາທິປະໄຕ”, ປະເທດທີ່ເຂົ້າຮ່ວມແມ່ນອາເມຣິກາເປັນຝ່າຍຄັດເລືອກເອງ, ອາເມຣິກາມີສິດມີຄວາມເຫັນກ່ຽວກັບປະເທດອື່ນວ່າມີປະຊາທິປະໄຕຫລືບໍ, ແຕ່ເວົ້າໃນດ້ານທາດແທ້ແລ້ວ, ຂໍ້ລິເລີ່ມດັ່ງກ່າວແມ່ນສອດຄ່ອງກັບແນວຄິດສົງຄາມເຢັນຢ່າງເຕັມສ່ວນ, ມັນເປັນການກໍ່ສົງຄາມຮູບຖານຈິດສຳນຶກແບບໃໝ່ຕໍ່ຜູ້ທີ່ມີຄວາມເຫັນດ້ານການເມືອງທີ່ແຕກຕ່າງກັນ.
ຄຳເຫັນ
0