ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ26ກັນຍານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານຊົມເຊີຍເຖິງກອງປະຊຸມສຸດຍອດອູ່ເຈີ້ນຂອງກອງປະຊຸມອິນເຕີເນັດໂລກປີ2021.
ທ່ານສີຈິ້ນຜິງກ່າວວ່າ: ເຕັກນິກດີຈີຕອນກຳລັງເຊື່ອມໂຍງເຂົ້າກັບການກໍ່ສ້າງໝົດຂັ້ນຕອນໃນຂົງເຂດຕ່າງໆຂອງມວນມະນຸດ ເຊັ່ນ:ເສດຖະກິດ,ການເມືອງ,ວັດທະນະທຳ,ສັງຄົມ ແລະ ຄວາມສີວິໄລທາງລະບົບນິເວດ,ເຊິ່ງໄດ້ສ້າງຜົນດີຢ່າງກວ້າງຂວາງແລະເລິກເຊິ່ງໃຫ້ແກ່ຊີວິດການເປັນຢູ່ແລະການຜະລິດຂອງມວນມະນຸດ. ປັດຈຸບັນ, ທົ່ວໂລກໄດ້ຜະເຊີນໜ້າກັບສະຖານະການທີີ່ມີການປ່ຽນແປງແບບບໍ່ເຄີຍມີມາກ່ອນໃນຮອບຮ້ອຍປີ ແລະການແຜ່ລະບາດຂອງພະຍາດໂຄວິດ-19,ດັ່ງນັ້ນ ປະຊາຄົມໂລກຄວນເກາະແຂນຮ່ວມມືກັນໂດຍດ່ວນ,ປະຕິບັດຕາມທ່ວງທ່າການພັດທະນາທີ່ຫັນເປັນຂໍ້ມູນຂ່າວສານ ຫັນເປັນດີຈີຕອນ ຫັນເປັນເຄືອຂ່າຍອິນເຕີເນັດ ແລະຫັນເປັນອັດສະລິຍະ, ໃຊ້ໂອກາດນີ້ ເພື່ອຮັບມືກັບສິ່ງທ້າທາຍ.
ທ່ານສີຈິ້ນຜິງກ່າວເນັ້ນໜັກວ່າ: ຈີນຍິນດີຮ່ວມກັບບັນດາປະເທດໃນໂລກ ຮ່ວມກັນແບກຫາບໜ້າທີ່ປະຫວັດສາດທີ່ສະແຫວງຫາຄວາມກ້າວໜ້າຂອງມວນມະນຸດ, ຊຸກຍູ້ພະລັງແຮງດ້ານເສດຖະກິດດີຈີຕອນ,ເພີ່ມທະວີບົດບາດຂອງລັດຖະບານດີຈີຕອນ,ປັບປຸງສະພາບແວດລ້ອມຂອງສັງຄົມດີຈີຕອນໃຫ້ສົມບູນຂຶ້ນ,ສ້າງສະພາບການຮ່ວມມືດີຈີຕອນ,ສ້າງສິ່ງຮັບປະກັນຄວາມໝັ້ນຄົງດ້ານດີຈີຕອນໃຫ້ດີ,ເຮັດໃຫ້ຄວາມສີວິໄລດ້ານດີຈີຕອນສາມາດສ້າງຄວາມສຸກໃຫ້ປະຊາຊົນປະເທດຕ່າງໆ, ຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ.
ຄຳເຫັນ
0