ຕອນທ່ຽງວັນທີ 23 ມີນານີ້ ຕາມເວລາທ້ອງຖິ່ນ, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ກ່າວປາໄສໃນງານລ້ຽງຮັບຮອງໂດຍທ່ານ ມາຄອມ ເຕີນບູນ ນາຍົກລັດຖະມົນຕີອົສຕຣາລີຈັດຂຶ້ນຢ່າງສົມກຽດຢູ່ຫໍສະພາແຄມເບີຣາດ້ວຍການຢືນຢັນວ່າ ສາຍພົວພັນແລະການຮ່ວມມືລະຫວ່າງຈີນ-ອົສຕຣາລີແໜ້ນແຟ້ນທີ່ສຸດແລະໃນການຢ້ຽມຢາມຂອງຂ້າພະເຈົ້າເທື່ອນີ້ ກໍເພື່ອຊຸກຍູ້ການຄ້າເສລີ, ສົ່ງເສີມສະຖຽນລະພາບແລະສັນຕິພາບຂອງພາກພື້ນ ແລະເພື່ອສ້າງຄວາມເຄົາລົບລະຫວ່າງສອງປະເທດດ້ວຍກັນ, ທັງລົງເລິກການຮ່ວມມືແລະເພີ່ມທະວີການແລກປ່ຽນກໍຄືຖອດຖອນບົດຮຽນໃນດ້ານອະລິຍະທຳຮ່ວມກັນ.
ຂະນະດຽວກັນ, ຈີນກໍຍຶດໝັ້ນນະໂຍບາຍການຕ່າງປະເທດທີ່ເປັນເອກະລາດ,ເປັນເຈົ້າຕົນເອງແລະສັນຕິພາບຢ່າງສະເໝີຕົ້ນສະເໝີປາຍ, ເຄົາລົບທາງເລືອກດ້ານນະໂຍບາຍການຕ່າງປະເທດຂອງອົສຕຣາລີທັງຍິນດີຮ່ວມກັບອົສຕຣາລີສົ່ງເສີມອະລິຍະທຳຕ່າງໆດ້ວຍການຢູ່ຮ່ວມກັນໂດຍສັນຕິ, ຮັດແໜ້ນການແລກປ່ຽນດ້ານວັດທະນະທຳ,ເພີ່ມທະວີການຮ່ວມມືດ້ານການສຶກສາ, ການທ່ອງທ່ຽວ,ກິລາແລະອື່ນໆ ເພື່ອສ້າງອະນາຄົດແຫ່ງການເສີມຂະຫຍາຍສາຍພົວພັນຈີນ-ອົສຕຣາລີໃຫ້ກວ້າງຂວາງກວ່າເກົ່າ.
ສະມາຊິກສະພາສູງແລະສະພາຕ່ຳອົສຕຣາລີ, ບຸກຄົນໃນວົງການທຸລະກິດ,ວິທະຍາສາດເຕັກໂນໂລຊີ,ການສຶກສາແລະອື່ນໆພ້ອມດ້ວຍທູຕານຸທູດປະເທດຕ່າງໆປະຈຳອົສຕຣາລີ 400 ກວ່າທ່ານໄດ້ເຂົ້າຮ່ວມງານລ້ຽງດັ່ງກ່າວ.