ພິທີສ້າງຕັ້ງສູນເສີມສ້າງຄວາມສາມາດແລວທາງເສດຖະກິດຈີນ-ປາກິສະຖານ ເຊິ່ງເປັນສະຖາບັນຜູ້ຊົງຄຸນວຸດທິທາງການແຫ່ງທຳອິດຂອງປາກິສະຖານໄດ້ສ້າງຕັ້ງຂຶ້ນຢູ່ນະຄອນຫຼວງອິສລາມາບັດປະເທດດັ່ງກ່າວໃນວັນທີ 27 ມີນານີ້ເພື່ອເນັ້ນສຶກສາຄົ້ນຄວ້າການກໍ່ສ້າງແລວທາງເສດຖະກິດຈີນ-ປາກິສະຖານ.
ທ່ານຊຸນເວິ້ຍຕຸ່ງ ເອກອັກຄະລັດຖະທູດຈີນປະຈຳປາກິສະຖານຢືນຢັນວ່າ ແລວທາງເສດຖະກິດຈີນ-ປາກິສະຖານຈະຊ່ວຍປາກິສະຖານບັນລຸການພັດທະນາເສດຖະກິດໃຫ້ກ້າວໜ້າທັງຈະສາມາດແກ້ໄຂບັນຫາການຂາດເຂີນພະລັງງານ.ທີ່ສຳຄັນເພື່ອສົ່ງເສີມການເຊື່ອມຈອດ, ລຶບລ້າງຊ່ອງທາງຂໍ້ມູນຂ່າວສານແລະສ້າງວຽກເຮັດງານທຳໃຫ້ຫຼາຍກວ່າເກົ່າ ຈາກນີ້ເຊື່ອໝັ້ນດ້ວຍການຫວັງວ່າ ສະຖາບັນຜູ້ຊົງຄຸນວຸດທິດັ່ງກ່າວຈະສາມາດເຊື່ອມໂຍງເຂົ້າໃນການກໍ່ສ້າງແລວທາງເສດຖະກິດຈີນ-ປາກິສະຖານໄດ້ດີ ແລະຮັບໃຊ້ຄວາມຮຽກຮ້ອງຕ້ອງການໃນການພັດທະນາແລວທາງເສດຖະກິດ ທັງປະກອບສ່ວນເຂົ້າໃນການສ້າງຜົນປະໂຫຍດໃຫ້ແກ່ວິວາຫະກິດແລະສ່ວນບຸກຄົນຂອງປາກິສະຖານ.
ທ່ານເປີເວັສ ຣາຊິດ ຜູ້ອຳນວຍການບໍລິຫານງານສູນເສີມສ້າງຄວາມສາມາດແລວທາງເສດຖະກິດຈີນ-ປາກິສະຖານພ້ອມດ້ວຍນັກວິຊາການ,ຊ່ຽວຊານຈຳນວນໜຶ່ງ, ເຈົ້າໜ້າທີ່ສະຖານທູດຈີນປະຈຳປາກິສະຖານ, ບໍລິສັດຈີນພ້ອມດ້ວຍນັກຂ່າວເກືອບຮ້ອຍຄົນໄດ້ເຂົ້າຮ່ວມພິທີດັ່ງກ່າວ.