ທ່ານນາງ ຄຣິສຕາລີນາ ເກອໍກີວາ ຫົວໜ້າຄະນະບໍລິຫານງານທະນາຄານໂລກ ໄດ້ຢືນຢັນຫວ່າງມໍ່ໆມານີ້ວ່າ ຈີນພວມສຸມໃສ່ສ້າງລະບົບການທະນາຄານໃຫ້ເຂັ້ມແຂງແລະປອດໃສຍິ່ງຂຶ້ນ ເຊິ່ງຈະມີຜົນດີຕໍ່ເສດຖະກິດທີ່ເຕີບໂຕຢ່າງມີຄຸນນະພາບສູງ.
ທ່ານນາງ ເກອໍກີວາ ກ່າວວ່າ: ໃນຊຸມປີຜ່ານມາ, ຈີນໄດ້ເພີ່ມການລົງທຶນໃສ່ການຄົ້ນຄວ້າພັດທະນາຢ່າງຫຼວງຫຼາຍ ໂດຍກວມເອົາ 2% ຂອງ GDP ເຊິ່ງເທົ່າກັບລະດັບສະເລ່ຍຂອງກຸ່ມເສດຖະກິດທີ່ເປັນສະມາຊິກອົງການຮ່ວມມືແລະພັດທະນາເສດຖະກິດ (OECD). ຂະນະດຽວກັນ, ທຶນປະກອບທີ່ນຳໃຊ້ໃນການຄົ້ນຄວ້າພັດທະນາຂອງຈີນກໍປ່ຽນແປງຢ່າງຫຼວງຫຼາຍ ໂດຍປັດຈຸບັນຢູ່ຈີນໄດ້ຄົ້ນຄວ້າດ້ວຍຄວາມປະດິດສ້າງໃໝ່ຫຼາຍຂຶ້ນກວ່າເກົ່າ.
ແນວໃດກໍດີ, ໂດຍປະເຊີນໜ້າກັບລັດທິປົກປ້ອງການຄ້າທົ່ວໂລກໄດ້ຟື້ນຕົວຂຶ້ນ, ທ່ານນາງເກອໍກີວາ ກໍໄດ້ກ່າວວ່າ: ຈີນໄດ້ເປີດປະຕູຕະຫຼາດຕໍ່ພາຍນອກເປັນກ້າວໆມາໂດຍຕະຫຼອດ, ຂະນະທີ່ຜູ້ນຳຈີນໃຫ້ຄຳໝັ້ນສັນຍາຢ່າງເດັດດ່ຽວຕໍ່ຂະບວນການເປີດປະຕູສູ່ພາຍນອກຈະສືບຕໍ່ຂະຫຍາຍຕົວ ແລະເຮັດໃຫ້ຈີນສາມາດເຂົ້າຮ່ວມແຂ່ງຂັນໃນສາກົນຢ່າງປອດໃສກວ່າເກົ່າ.