ໜັງສືພິມເສດຖະກິດຫວຽດນາມລາຍວັນລາຍງານໃນວັນທີ 27 ມີນານີ້ວ່າ:ສະຖິຕິຫຼ້າສຸດຈາກກົມລົງທຶນຕ່າງປະເທດຂອງກະຊວງແຜນການແລະການລົງທຶນຫວຽດນາມສະແດງໃຫ້ເຫັນວ່າ: ມາຮອດວັນທີ 20 ມີນານີ້, ໂຄງການທຶນຕ່າງປະເທດທີ່ມີປະສິດທິຜົນຢູ່ປະເທດຕົນມີເຖິງ 23.071 ໂຄງການ ໂດຍມີຍອດມູນຄ່າການລົງທຶນຕາມສັນຍາເຖິງ 300 ຕື້ 700 ລ້ານໂດລາສະຫະລັດ ແລະການລົງທຶນທີ່ໄດ້ຮັບການຈັດຕັ້ງປະຕິບັດຕົວຈິງມີເຖິງ 158 ຕື້ 450 ລ້ານໂດລາສະຫະລັດ.
ຫວຽດນາມມີ 63 ແຂວງແລະນະຄອນໄດ້ຮັບການລົງທຶນຈາກຕ່າງປະເທດ, ໃນນີ້ຢູ່ນະຄອນໂຮ່ຈີມິງມີມູນຄ່າເຖິງ 45 ຕື້ 660 ລ້ານໂດລາສະຫະລັດ ກວມ 15,1% ຂອງຍອດມູນຄ່າການລົງທຶນທັງໝົດແລະເປັນອັນດັບ 1 ຂອງບັນດາເມືອງໃນປະເທດດັ່ງກ່າວ.