ຄະນະລັດຖະບານກຳປູເຈຍໄດ້ຄົ້ນຄວ້າພິຈາລະນາແລະຜ່ານ ຮ່າງ"ກົດໝາຍຊ່ວຍເຫຼືອການຄ້າ" ທີ່ກະຊວງການຄ້າສະເໜີ ເຊິ່ງກົດໝາຍສະບັບນີ້ທີ່ມີ 6 ພາກ ແລະ 44 ມາດຕາ ນັ້ນກໍເພື່ອ "ຮັບປະກັນ" ໃຫ້ແກ່ນັກທຸລະກິດປະເທດຕົນ, ບໍ່ຖືກປະເທດອື່ນທຳລາຍແລະກີດກັ້ນອຸດສາຫະກຳປະເທດຕົນດ້ວຍວິທີແກ້ງແຍ້ງທີ່ບໍ່ຍຸຕິທຳ ທັງເພື່ອຮັບປະກັນໃຫ້ນັກລົງທຶນທັງພາຍໃນແລະຕ່າງປະເທດມີຄວາມໝັ້ນໃຈປະເທດຕົນຫຼາຍຂຶ້ນ.
ທ່ານໄພ ສີພັນ ເລຂາລັດຖະກິດຫ້ອງວ່າການລັດຖະບານກຳປູເຈຍກ່າວວ່າ, ຖ້າ "ກົດໝາຍຊ່ວຍເຫຼືອການຄ້າ" ມີຜົນບັງຄັບໃຊ້, ກໍຈະສາມາດເກັບ "ພາສີຕ້ານການຂາຍເລ" ສິນທີ່ທີ່ນຳເຂົ້າເຊິ່ງປາກົດມີໃຫ້ເຫັນຢູ່ປະເທດຕົນ ແລະລັດຖະບານຈະໃຊ້ເງິນເຫຼົ່ານີ້ຊ່ວຍເຫຼືອອຸດສາຫະກຳໄດ້ຮັບຜົນກະທົບ. "ຄະນະກຳມະການຊ່ວຍເຫຼືອການຄ້າແຫ່ງຊາດ" ທີ່ສ້າງຕັ້ງຂຶ້ນໃໝ່ຈະຮັບຜິດຊອບຮັບຄຳຮ້ອງຟ້ອງຂອງນັກທຸລະກິດທັງພາຍໃນແລະຕ່າງປະເທດ ເພື່ອດຳເນີນການກວດກາ ແລະຕົກລົງໃຊ້ມາດຕະການລົງໂທດ.