ຕອນບ່າຍວັນທີ 6 ພຶດສະພານີ້, ບຸກຄົນວົງການຂຽນງາມຈາກ 39 ປະເທດເຊັ່ນ: ບັນດາປະເທດໃນອາຊຽນພ້ອມດ້ວຍຈີນ, ອາເມລິກາ, ການາດາແລະເບຼຊິນເປັນຕົ້ນໄດ້ເຕົ້າໂຮມກັນຢູ່ນະຄອນຫຼວງຈາກາຕາຂອງອິນໂດເນເຊຍ ເພື່ອເຂົ້າຮ່ວມງານວາງສະແດງສະມາຄົມນັກຂຽນງາມຊາວຕ່າງປະເທດເຊື້ອສາຍຈີນຄັ້ງທຳອິດຂອງ "ໜຶ່ງແລວທາງໜຶ່ງເສັ້ນທາງ" ແລະ ພິທີສ້າງຕັ້ງສະມາຄົມນັກຂຽນງາມຊາວຕ່າງປະເທດເຊື້ອສາຍຈີນ. ໂດຍໄດ້ວາງສະແດງຜົນງານການຂຽນງາມກວ່າ 300 ແຜ່ນທີ່ຖື"ໜຶ່ງແລວທາງໜຶ່ງເສັ້ນທາງ"ເປັນຫົວຂໍ້ຕົ້ນຕໍ.
ທ່ານ ໂຈ່ວປິ່ນ ທີ່ປຶກສາວັດທະນະທຳຂອງສະຖານທູດຈີນປະຈຳອິນໂດເນເຊຍໄດ້ສະແດງຄວາມຊົມເຊີຍພ້ອມທັງໄດ້ອ່ານຈົດໝາຍອວຍພອນຂອງທ່ານ ເຊ້ຍເຟີ່ງ ເອກອັກຄະລັດຖະທູດຈີນປະຈຳອິນໂດເນເຊຍ. ໃນຈົດໝາຍ, ທ່ານ ເຊ້ຍເຟີ່ງ ກ່າວວ່າ: ງານວາງສະແດງຄັ້ງນີ້ຖືການສົ່ງເສີມຈິດໃຈ "ໜຶ່ງແລວທາງໜຶ່ງເສັ້ນທາງ"ທີ່ສັນຕິພາບ,ແລກປ່ຽນ,ເຂົ້າໃຈກັນ,ກວມລວມ,ຮ່ວມມືແລະຕ່າງຝ່າຍຕ່າງມີຜົນປະໂຫຍດເປັນຫົວຂໍ້ຕົ້ນຕໍ, ເປັນງານມະໂຫລານທີ່ເສີມຂະຫຍາຍສິລະປະການຂຽນງາມຂອງຈີນຄັ້ງໜຶ່ງ, ກໍເປັນງານມະໂຫລານທີ່ເຜີຍແຜ່ຈິດໃຈ "ໜຶ່ງແລວທາງໜຶ່ງເສັ້ນທາງ" ຄັ້ງໜຶ່ງ,ເຊິ່ງມີຄວາມໝາຍສຳຄັນຕໍ່ການພັດທະນາສິລະປະການຂຽນງາມຂອງໂລກ ແລະ ການສ້າງໂຄງການເຊື່ອມຕໍ່ຈິດໃຈລະຫວ່າງປະຊາຊົນຂອງປະເທດຢູ່ລຽບ "ໜຶ່ງແລວທາງໜຶ່ງເສັ້ນທາງ".
ສະມາຄົມນັກຂຽນງາມຊາວຕ່າງປະເທດເຊື້ອສາຍຈີນສ້າງຕັ້ງຂຶ້ນໂດຍຜູ້ຮັບຜິດຊອບອົງການຂຽນງາມປະເທດຕ່າງໆໃນໂລກຫຼັງຮ່ວມກັນຫາລືໃນປີ 2016 ເຊິ່ງຕັ້ງສຳນັກງານໃຫຍ່ແລະສຳນັກເລຂາຢູ່ນະຄອນຫຼວງຈາກາຕາ.