ຕາມຂ່າວສານຊິນຮວາ: ທ່ານສຽນເຄີ້ໝິງ ຮອງລັດຖະມົນຕີກະຊວງການຄ້າຈີນກ່າວຢູ່ປັກກິ່ງໃນວັນທີ 10 ພຶດສະພານີ້ວ່າ, ການສ້າງ "ໜຶ່ງແລວທາງໜຶ່ງເສັ້ນທາງ"ຈະບໍ່ກາຍເປັນເຂດການຄ້າເສລີ.
ທ່ານກ່າວເນັ້ນວ່າ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ໄດ້ກວມເອົາ 5 ດ້ານຄືການປະສານນະໂຍບາຍ,ການເຊື່ອມຕໍ່ພື້ນຖານໂຄງລ່າງ,ການອຳນວຍຄວາມສະດວກດ້ານການຄ້າ,ການລະດົມທຶນແລະການປະສານຈິດໃຈຂອງປະຊາຊົນເຊິ່ງເປັນນິຍາມລວມແລະກໍ່ບໍ່ແມ່ນ "ນິຍາມດຽວກັນ"ກັບເຂດການຄ້າເສລີທີ່ເນັ້ນໃສ່ການຄ້າແລະການລົງທຶນແລະເຖິງວ່າເຂດການຄ້າເສລີເປັນໜຶ່ງເນື້ອໃນສຳຄັນຂອງການສ້າງ "ໜຶ່ງແລວທາງໜຶ່ງເສັ້ນທາງ"ກໍຕາມ,ແຕ່ "ໜຶ່ງແລວທາງໜຶ່ງເສັ້ນທາງ"ຈະບໍ່ກາຍເປັນເຂດການຄ້າເສລີໃຫຍ່ຂອງປະເທດລຽບຕາມຂໍ້ລິເລີ່ມນີ້.
ທ່ານກ່າວຕື່ມວ່າ, ພະລັງຊີວິດຂອງຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ຄືມັນຢູ່ຈຸດທີ່ສອດຄ່ອງກັບຄວາມຫວັງຂອງປະເທດລຽບຕາມເສັ້ນທາງຕໍ່ການພັດທະນາໃນອະນາຄົດແລະໃນຕໍ່ໜ້າຄຽງຄູ່ກັບຂໍ້ລິເລີ່ມໄດ້ເຂົ້າສູ່ລວງເລິກຈະເສີມຂະຫຍາຍບົດບາດຕໍ່ການພັດທະນາເສດຖະກິດພາກພື້ນນັບມື້ຫຼາຍຂຶ້ນແລະພະລັງຊີວິດຂອງມັນກໍຈະນັບມື້ເຂັ້ມແຂງຂຶ້ນ.
 |
