ວິທະຍຸສາກົນແຫ່ງປະເທດຈີນລາຍງານວ່າ: ທ່ານຟິກຣີ ອີຊິກ ລັດຖະມົນຕີກະຊວງປ້ອງກັນປະເທດຕວັກກີກ່າວໃນວັນທີ 11 ພຶດສະພານີ້ວ່າ,ປະເທດຕົນໄດ້ທົດລອງຍິງຂີປະນາວຸດ "ໂບຣາ" ທີ່ຜະລິດເອງໃນວັນດັ່ງກ່າວ.
ທ່ານຟິກຣີກ່າວໃຫ້ສຳພາດຕໍ່ສື່ຕວັກກີໃນໂອກາດຈັດມະຫະກຳອຸດສາຫະກຳປ້ອງກັນປະເທດສາກົນຄັ້ງທີ 13 ຢູ່ອິສຕັນບູນວ່າ,ຖືວ່າໄດ້ປະສົບຜົນສຳເລັດໃນການທົດລອງຍິງຂີປະນາວຸດ "ໂບຣາ" ໄລຍະໄກ 280 ກິໂລແມັດທີ່ປະເທດຕົນຜະລິດເອງສູ່ເຂດທະເລດຳຢູ່ເມືອງຊີນົບທາງ ພາກເໜືອ.
ທ່ານກ່າວຕື່່ມວ່າ,ຜົນສຳເລັດດັ່ງກ່າວໄດ້ເຮັດໃຫ້ຕວັກກີເກີດຄວາມໝັ້ນໃຈເພີ່ມຂຶ້ນແລະມີຄວາມເປັນໄປໄດ້ທີ່ຈະບັນລຸເປົ້າໝາຍຫຼາຍກວ່າເກົ່າ.
ຂີປະນາວຸດ "ໂບຣາ"ມີຄວາມສາມາດບັນທຸກນ້ຳໜັກ 450 ກິໂລກຣາມແລະມີຄວາມຜິດດ່ຽງ 50 ແມັດ.