170619guidao
|
ຕາມຂ່າວCRI: ທາງດ່ວນຢາອ່ານ-ຊີ່ຊ່າງຍາວ 240 ກິໂລແມັດ, ເລີ່ມລົງມືກໍ່ສ້າງໃນປີ 2007 ແລະສຳເລັດການກໍ່ສ້າງທັງເປີດບໍລິການໃນເດືອນເມສາປີ 2012 ເຊິ່ງເສັ້ນທາງສາຍນີ້ເປັນສ່ວນສຳຄັນຂອງທາງດ່ວນປັກກິ່ງ-ຄຸນມິງທີ່ຢູ່ແຂວງເສສວນ ແລະກາຍເປັນເສັ້ນທາງສຳຄັນທີ່ເຊື່ອມຕໍ່ທິດເໜືອແລະທິດໃຕ້ ແຂວງເສສວນ ທີ່ສາມາດເສີມຂະຫຍາຍບົດບາດສຳຄັນໃນການພັດທະນາເສດຖະກິດສັງຄົມຂອງເຂດທີ່ຢູ່ຕາມເສັ້ນທາງດ່ວນດັ່ງກ່າວ.
ອຸມົງກົ້ນຫອຍຂອງທາງດ່ວນຢາອ່ານ-ຊີ່ຊ່າງທັງສອງແຫ່ງນີ້ເປັນອຸມົງທີ່ຍາວທີ່ສຸດດ້ວຍການກໍ່ສ້າງເປັນວົງມົນທີ່ມີເສັ້ນຜ່າສູນກາງສັ້ນທີ່ສຸດໃນໂລກ ແລະກໍເປັນອຸມົງທີ່ມີເສັ້ນຜ່າສູນກາງສັ້ນທີ່ສຸດທີ່ເຊື່ອມຕໍ່ລະຫວ່າງຂົວກັບອຸມົງ, ຈາກນີ້ຈິ່ງອາດຖືໄດ້ວ່າເປັນຫົວຄິດປະດິດສ້າງຄັ້ງປະຫວັດສາດໃນການສ້າງເສັ້ນທາງຂອງໂລກ.