ວັນທີ 17 ກໍລະກົດນີ້ຢູ່ນະຄອນຫຼວງປັກກິ່ງ, ທ່ານຫວາງເກິ່ງນຽນ ຜູ້ອຳນວຍການໃຫຍ່ວິທະຍຸສາກົນແຫ່ງປະເທດຈີນຫຼືCRIໄດ້ພົບປະກັບທ່ານຮູຊາອິນ ດາເກີຣີ ຜູ້ອຳນວຍການໃຫຍ່ວິທະຍຸສາກົນແຫ່ງປະເທດອາຣັບບີຊາອຸດິດພ້ອມຄະນະໂອກາດເດີນທາງຢ້ຽມຢາມ.
ທ່ານຫວາງເກິ່ງນຽນຊີ້ໃຫ້ເຫັນວ່າ: ປະຊາຊົນຈີນແລະອາຣັບບີຊາອຸດິດຕ່າງກໍມີຄວາມປາຖະໜາເພີ່ມຄວາມເຂົ້າໃຈກັນ, ສ່ວນການຮ່ວມມືລະຫວ່າງສື່ມວນຊົນຈະສາມາດສົ່ງເສີມປະຊາຊົນສອງຊາດເພີ່ມທະວີການແລກປ່ຽນເຊິ່ງກັນແລະກັນ. ການຢ້ຽມຢາມຂອງທ່ານດາເກີຣີພ້ອມຄະນະເປັນຈຸດເລີ່ມຕົ້ນໃໝ່ແຫ່ງການຮ່ວມມືລະຫວ່າງສອງຝ່າຍໂດຍເຫັນໄດ້ວ່າ ສອງຝ່າຍສາມາດຮ່ວມກັນຈັດການແຂ່ງຂັນເສັງຄວາມຮູ້ ທັງເພີ່ມທະວີການຮ່ວມມືໃນການແປ,ການພາກຮູບເງົາແລະລະຄອນໂທລະພາບແລະຂົງເຂດສື່ໃໝ່.
ທ່ານດາເກີຣີກໍໄດ້ຢືນຢັນໂດຍຫວັງນຳໃຊ້ໂອກາດຢ້ຽມຢາມເທື່ອນີ້ເພື່ອເພີ່ມທະວີການແລກປ່ຽນກັບCRI ແລະຍົກລະດັບການຮ່ວມມືໃນການຈັດທຳ ແລະການແລກປ່ຽນລາຍການ.ແນວໃດກໍດີເຖິງວ່າປະຊາຊົນອາຣັບບີຊາອຸດິດຫວັງຢາກເຂົ້າໃຈຈີນໃຫ້ຫຼາຍກວ່າເກົ່າ,ແຕ່ພັດຂາດເຂີນຊ່ອງທາງທີ່ດີ ເຊິ່ງຈາກນີ້, ການທີ່ຮ່ວມມືກັບCRIຈະເປັນຂົວຕໍ່ເພື່ອສົ່ງເສີມຄວາມເຂົ້າໃຈກັນລະຫວ່າງປະຊາຊົນສອງຊາດ.