ຕາມຂ່າວCRI: ທ້າວ ໝ້າຢຸນຜິງ ຊາວບ້ານຊິ່ນມິນເມືອງນ້ອຍໂນ້ເອີເມືອງໂຕ່ລຸນເຂດ XilinGol ເຂດປົກຄອງຕົນເອງມົງໂກໃນ ສປ ຈີນ ໄດ້ໃຊ້ເວລາເກືອບ 17 ປີແລະຄອບຄົວສຸມທຸກສະຕິປັນຍາແລະເຫື່ອແຮງຢ່າງບໍ່ລົດລະ ເພື່ອເຮັດໃຫ້ທະເລຊາຍໃນເມື່ອກ່ອນກາຍເປັນດິນຂຽວໃນປັດຈຸບັນ.
ເມືອງໂຕ່ລຸນເປັນໜຶ່ງໃນເຂດພາຍຸຊາຍ ໂດຍນັບແຕ່ປີ 2000 ຜ່ານມາ, ເມືອງດັ່ງກ່າວໄດ້ດຳເນີນໂຄງການແກ້ໄຂພາຍຸຊາຍປັກກິ່ງ-ທຽນສິນ ເຊິ່ງທ້າວ ໝ້າຢຸນຜິງ ໄດ້ເລີ່ມປະຕິບັດໂຄງການນີ້ເໝືອນດັ່ງທ້າວ ຢູກົ່ງ ຜູ້ມີຊື່ສຽງໃນປະຫວັດສາດຈີນ.
ຈາກທະເລຊາຍໃນປີຜ່ານມາກາຍມາເປັນເຂດປູກຕົ້ນໄມ້ທີ່ຂຽວອຸ່ມທຸ່ມ ໃນປັດຈຸບັນເຊິ່ງຕົ້ນໄມ້ບໍ່ພຽງແຕ່ປ່ຽນຄວາມເປັນທະເລຊາຍດັ້ງເດີມເທົ່ານັ້ນ, ຫາກຍັງໄດ້ເປັນບ່ອນອາໄສຂອງກະຕ່າຍປ່າ,ໝາຈອກ,Meles meles ,ໄກ່ປ່າແລະສັດປ່າອື່ນໆ. ດ້ວຍຜົນສຳເລັດໃນການແກ້ໄຂທະເລຊາຍຄືດັ່ງກ່າວທ້າວ ໝ້າຢຸນຜິງ ຈຶ່ງໄດ້ກາຍເປັນໂຕແບບຂອງໂຄງການແກ້ໄຂທະເລຊາຍຂອງເມືອງໂຕ່ລຸນ.
