ທ່ານລູ້ຄ່າງ ໂຄສົກກະຊວງການຕ່າງປະເທດຈີນກ່າວໃນພິທີຖະແຫຼງຂ່າວທີ່ຈັດຂຶ້ນໃນວັນທີ 18 ກໍລະກົດນີ້ວ່າ, ຈີນປະທ້ວງຢ່າງຮຸນແຮງຫຼັງເຫັນວ່າ ອິນເດຍໄດ້ຖືເອົາການສົ່ງເຈົ້າໜ້າທີ່ທະຫານຂ້າມຊາຍແດນທີ່ກຳນົດໄວ້ນັ້ນ ເປັນເຄື່ອງມືເພື່ອບັນລຸເປົ້າໝາຍໃດໜຶ່ງ.
ທ່ານລູ້ຄ່າງກ່າວຕື່ມວ່າ, ທະຫານອິນເດຍຂ້າມຊາຍແດນຢ່າງຜິດກົດໝາຍ ເຮັດໃຫ້ປະຊາຄົມໂລກສົນໃຈນຳຢ່າງກວ້າງຂວາງ ເຊິ່ງມັນເປັນຄວາມຈິງທີ່ສະແດງອອກຢ່າງຈະແຈ້ງທີ່ສຸດ ແລະຊາຍແດນຕອນຊີກິມຕາມຊາຍແດນຈີນອິນເດຍກໍເປັນສິ່ງທີ່ສອງຝ່າຍລ້ວນແຕ່ຮັບຮູ້ນຳກັນແລ້ວ. ທັງນີ້ເຫດການດັ່ງກ່າວທາດແທ້ແລ້ວກໍຄື ທະຫານອິນເດຍໄດ້ຂ້າມຊາຍແດນຕອນນີ້ຢ່າງຜິດກົດໝາຍ ແລະເຂົ້າສູ່ດິນແດນຈີນ.
ທ່ານກ່າວວ່າ, ອິນເດຍຄວນຮັບຮູ້ສະພາບຄວາມເປັນຈິງໃນປັດຈຸບັນ ແລະມີມາດຕະການຢ່າງເລັ່ງດ່ວນ ເພື່ອສັ່ງໃຫ້ທະຫານທີ່ຂ້າມຊາຍແດນຢ່າງຜິດກົດໝາຍນັ້ນກັບຄືນປະເທດ ແລະຢ່າເຮັດຜິດຕໍ່ໄປອີກ.