ທ່ານອາເລັກຊັນເດີ ຈາຄາເຊນໂກ ຜູ້ນຳ "ສາທາລະນະລັດປະຊາຊົນດົນເນສກາຢາ" ທີ່ກຸ່ມປະກອບອາວຸດປະຊາຊົນພາກຕາເວັນອອກສ້າງຕັ້ງຂຶ້ນນັ້ນ ໄດ້ອອກຖະແຫຼງການໃນວັນທີ 18 ກໍລະກົດນີ້ວ່າ, ຫຼັງຜູ້ຕາງໜ້າທ້ອງຖິ່ນຕ່າງໆທົ່ວປະເທດອູແກຣນໄດ້ຫາລືແລະໃນທີ່ສຸດກໍໄດ້ຕົກລົງສ້າງຕັ້ງ "ຣັດເຊຍນ້ອຍ" ແທນອູແກຣນ ເພື່ອແກ້ໄຂການປະທະກັນຢູ່ພາກຕາເວັນອອກອູແກຣນຢ່າງສິ້ນເຊີງ. "ຣັດເຊຍນ້ອຍ" ເປັນຜູ້ສືບທອດອູແກຣນ ແລະນະຄອນຫຼວງຕັ້ງຢູ່ເມືອງດົນເນສກາຢາ ແລະກຽມຈະເປັນສູນວັດທະນະທຳແລະປະຫວັດສາດ.
"ສາທາລະນະລັດປະຊາຊົນລູຮັນສ" ກຸ່ມປະກອບອາວຸດປະຊາຊົນອີກກຸ່ມໜຶ່ງຢູ່ພາກຕາເວັນອອກສ້າງນັ້ນ ບໍ່ສະໜັບສະໜູນການຕົກລົງດັ່ງກ່າວ.
ຂ່າວສານຣັດເຊຍມື້ນີ້ລາຍງານວ່າ, ທ່ານດິມີຕຣີ ເປສກົຟ ເລຂາຖະແຫຼງຂ່າວປະທານາທິບໍດີຣັດເຊຍເປີດເຜີຍໃນວັນທີ 18 ກໍລະກົດນີ້ວ່າ, ຣັດເຊຍໄດ້ຮູ້ເລື່ອງສ້າງຕັ້ງປະເທດ "ຣັດເຊຍນ້ອຍ" ຈາກການລາຍງານຂ່າວຂອງສື່ມວນຊົນໃນຕອນເຊົ້າມື້ດຽວກັນ ໂດຍກ່າວວ່າ ການຕົກລົງດັ່ງກ່າວເປັນຈຸດຢືນສ່ວນຕົວຂອງທ່ານຈາຄາເຊນໂກ ເຊິ່ງຣັດເຊຍຍັງເຄົາລົບສັນຍາມິງຄືເກົ່າ.
 |
