ຫວ່າມໍ່ໆມານີ້, ທ່ານອູຊຸ່ນເກິ່ງ ໂຄສົກກະຊວງຄົມມະນາຄົມແລະຂົນສົ່ງຈີນ ເປີດເຜີຍວ່າ: ໃນ 5 ປີຜ່ານມາ, ຈີນໄດ້ສຸມໃສ່ສ້ອມແປງ ແລະ ກໍ່ສ້າງທາງຫຼວງຊົນນະບົດເຖິງ 9 ແສນ 8 ໝື່ນ 2000 ກິໂລແມັດ, ໂດຍນຳໃຊ້ງົບປະມານສູນກາງ 401 ຕື້ 600 ລ້ານຢວນ. ຂະນະທີ່ມາຮອດທ້າຍປີ 2016, ທາງຫຼວງຊົນນະບົດທົ່ວປະເທດມີເຖິງ 3 ລ້ານ 9 ແສນ 6 ໝື່ນກິໂລແມັດ ເຊິ່ງບັນດາຕາແສງ, ເມືອງນ້ອຍ ແລະ ບ້ານມີທາງຫຼວງໄປເຖິງແລ້ວ.
ໃນໄລຍະປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 13, ກະຊວງຄົມມະນາຄົມ ແລະ ຂົນສົ່ງ ຈະເລັ່ງກໍ່ສ້າງທາງຫຼວງຊົນນະບົດເພື່ອບັນລຸເປົ້າໝາຍມີເສັ້ນທາງຫຼັກເຊື່ອມຈອດກັນລະຫວ່າງຊົນນະບົດກັບພາຍນອກ ແລະ ບັນລຸເປົ້າໝາຍການເດີນທາງຢ່າງສະດວກຢູ່ເຂດຊົນນະບົດ, ຮັບປະກັນບັນລຸເປົ້າໝາຍຕ່ຳສຸດຄືເຮັດໃຫ້ບັນດາຕາແສງ, ເມືອງນ້ອຍ ແລະ ບ້ານມີທາງແໜ້ນໜາຖາວອນເຊື່ອມຈອດກັນກ່ອນປີ 2019; ສ້າງເປັນຕາໜ່າງຈັດສົ່ງເຄື່ອງຂອງຊັ້ນ 3 ຢູ່ຊົນນະບົດ.
