ປຶ້ມຄັດຈ້ອນຄຳບັນຍາຍຂອງທ່ານສີຈິ້ນຜິງກ່ຽວກັບວຽກງານຊາວໜຸ່ມເຍົາວະຊົນແລະຄະນະຊາວໜຸ່ມກອມມູນິດ ທີ່ຫ້ອງການຄົ້ນຄວ້າສຳເນົາເອກະສານສູນກາງພັກກອມມູນິດຈີນຮຽບຮຽງ ໄດ້ພິມຈຳໜ່າຍໃນຂອບເຂດທົ່ວປະເທດຈີນແລ້ວ.
ນັບແຕ່ກອງປະຊຸມໃຫຍ່ຄັ້ງທີ 18 ຂອງພັກເປັນຕົ້ນມາ, ສູນກາງພັກກອມມູນິດຈີນທີ່ມີສະຫາຍສີຈິ້ນຜິງ ເປັນແກນນຳ ໄດ້ເອົາໃຈໃສ່ສູງຕໍ່ວຽກງານຊາວໜຸ່ມເຍົາວະຊົນແລະຄະນະຊາວໜຸ່ມກອມມູນິດ ທັງໄດ້ເອົາໃຈໃສ່ຕໍ່ການເຕີບໃຫຍ່ຂະຫຍາຍຕົວຢ່າງປອດໃສຂອງຊາວໜຸ່ມເຍົາວະຊົນ. ຂະນະທີ່ສະຫາຍສີຈິ້ນຜິງໄດ້ມີຄຳບັນຍາຍສຳຄັນຕ່າງໆກ່ຽວກັບວຽກງານນີ້ ເຊິ່ງລວມມີທັງທິດສະດີແລະພຶດຕິກຳທີ່ສຳຄັນພາຍໃຕ້ສະພາບການໃໝ່ ແລະໄດ້ຊີ້ແຈ້ງໜ້າທີ່ປະຫວັດສາດແລະເສັ້ນທາງເຕີບໂຕຂອງຊາວໜຸ່ມໃນຍຸກປັດຈຸບັນ.
ປຶ້ມນີ້ແບ່ງເປັນ 8 ຫົວຂໍ້ ແລະບັນຍາຍ 189 ຕອນ ເຊິ່ງຄັດຈ້ອນຕາມສຳເນົາເອກະສານສຳຄັນ 40 ກວ່າບົດ ໃນໄລຍະແຕ່ວັນທີ 29 ພະຈິກປີ 2012 ຫາວັນທີ 3 ພຶດສະພາປີ 2017 ແລະມີສ່ວນໜຶ່ງໄດ້ເປີດເຜີຍຕໍ່ພາຍນອກເປັນຄັ້ງທຳອິດ.
 |
