ກອງປະຊຸມໃຫຍ່ຢາແລະແພດແຜນຈີນໂລກຄັ້ງທີ 14 ແລະສັບປະດາວັດທະນະທຳຢາແລະແພດແຜນຈີນຂອບ "ໜຶ່ງແລວທາງໜຶ່ງເສັ້ນທາງ" ໄດ້ໄຂຂຶ້ນຢູ່ນະຄອນຫຼວງບາງກອກປະເທດໄທໃນວັນທີ 21 ຕຸລານີ້, ໂດຍຜູ້ຊ່ຽວຊານແລະແຂກຮັບເຊີນປະມານ 1000 ຄົນຈາກ 30 ກວ່າປະເທດແລະເຂດແຄວ້ນເຂົ້າຮ່ວມ.
ກອງປະຊຸມຄັ້ງນີ້ແມ່ນສະມາຄົມນາຍແພດຈີນຂອງໄທເປັນຈັດຂຶ້ນໂດຍໄດ້ຮັບການມອບໝາຍຈາກສະມາຄົມຢາແລະແພດແຜນຈີນໂລກ, ໂດຍເນັ້ນຫົວຂໍ້ "ຊ່ວຍໝູນ 'ໜຶ່ງແລວທາງໜຶ່ງເສັ້ນທາງ, ຮັບໃຊ້ເພື່ອສຸຂະພາບແຂງແຮງຂອງປະຊາຊົນ'", ເພື່ອເພີ່ມທະວີແລະຊຸກຍູ້ການແລກປ່ຽນວິຊາການຢາແລະແພດແຜນຈີນໃນສາກົນ, ເລັ່ງລັດຂະບວນການຫັນເປັນທັນສະໄໝ, ການຂະຫຍາຍຕົວໃນສາກົນແລະມີມາດຕະຖານຂອງຢາແລະແພດແຜນຈີນ.
ຂະນະດຽວກັນນັ້ນ, ກອງປະຊຸມດັ່ງກ່າວຍັງໄດ້ຈັດ "ງານວາງສະແດງການຄ້າແລະບໍລິການຢາແລະແພດແຜນຈີນຄັ້ງທີ 11", ໂດຍໄດ້ຕັ້ງຫ້ອງວາງສະແດງ 4 ຫ້ອງເພື່ອສະແດງການຮັກສາສຸຂະພາບດ້ວຍການຝັງເຂັມ, ສຸຂະພາບແຂງແຮງຂອງກະດູກສັນຫຼັງແລະອື່ນໆ, ເຊິ່ງເປັນການສະໜອງໂອກາດແລກປ່ຽນບົດຮຽນໃນການປິ່ນປົວແລະເຜີຍແຜ່ໝາກຜົນການຄົ້ນຄວ້າຂອງຕົນໃຫ້ແກ່ບັນດາຜູ້ແທນທີ່ຮ່ວມປະຊຸມ.
 |
