ມໍ່ໆມານີ້, ງານວາງສະແດງເຕັກນິກຂໍ້ມູນຂ່າວສານ ແລະການສື່ສານໃຫຍ່ທີ່ສຸດຂອງບັງກະລາເດັດໄດ້ປິດສາກຢູ່ນະຄອນຫຼວງດັກກາ ໂດຍມີຫຼາຍ 10 ຫົວໜ່ວຍວິສາຫະກິດທີ່ກ່ຽວຂ້ອງຂອງຈີນເຂົ້າຮ່ວມ ແລະກໍເລັງເຫັນຄວາມສາມາດບົ່ມຊ້ອນຂອງຕະຫຼາດດັ່ງກ່າວ.
ທ່ານສຸບຣາຕາ ຊາກາ ເລຂາທິການໃຫຍ່ສະມາຄົມເຕັກນິກຂໍ້ມູນຂ່າວສານ ແລະການສື່ສານບັງກະລາເດັດກ່າວວ່າ: ປະເທດຕົນດີໃຈເປັນຢ່າງຍິ່ງທີ່ເຫັນວິສາຫະກິດຈີນເຂົ້າຮ່ວມງານວາງສະແດງດັ່ງກ່າວນັບມື້ຫຼາຍຂຶ້ນ. ຂະນະທີ່ຈີນກໍເປັນປະເທດແຫຼ່ງນຳເຂົ້າສິນຄ້າໃຫຍ່ທີ່ສຸດຂອງປະເທດຕົນ, ໃນນີ້, ສິນຄ້າເຕັກນິກຂໍ້ມູນຂ່າວສານ ແລະການສື່ສານເປັນສິນຄ້ານຳເຂົ້າທີ່ສຳຄັນ.
ທ່ານເຊີນເຫວີຍ ທີ່ປຶກສາທູດການເມືອງຈີນປະຈຳບັງກະລາເດັດກ່າວໃຫ້ສຳພາດສຳນັກຂ່າວສານຊິນຮວາວ່າ: ວິສາຫະກິດຈີນນັໄດ້ເຂົ້າບັງກະລາເດັດ ເພື່ອເປີດຕະຫຼາດໃຫຍ່ນັບມື້ຫຼາຍຂຶ້ນ ແລະຫວັງວ່າ ວິສາຫະກິດເຫຼົ່ານີ້ຈະສາມາດສະໜອງສິນຄ້າ ແລະບໍລິການໃຫ້ສັງຄົມບັງກະລາເດັດໄດ້ດີກວ່າເກົ່າ.