ຕາມຂ່າວ CRI: ວັນທີ 19 ມັງກອນນີ້ ທ່ານແຈມສ໊ ມາດິສ ລັດຖະມົນຕີກະຊວງປ້ອງກັນປະເທດອາເມລິກາໄດ້ປະກາດບົດລາຍງານ ຍຸດທະສາດການປ້ອງກັນປະເທດ ໂດຍຖືເອົາການແຂ່ງຂັນລະຫວ່າງປະເທດໃຫຍ່ເປັນບັນຫາທີ່ໃຫ້ຄວາມສຳຄັນທີ່ສຸດ, ແລະການຕ້ານການກໍ່ສ້າງຮ້າຍຈະບໍ່ແມ່ນຈຸດສຸມອີກແລ້ວ.
ເຊິ່ງບົດລາຍງານໄດ້ຂຽນໄວ້ວ່າ: ການແຂ່ງຂັນດ້ານຍຸດທະສາດລະຫວ່າງປະເທດກັບປະເທດ ແຕ່ບໍ່ແມ່ນລັດທິກໍ່ການຮ້າຍ ກາຍເປັນບັນຫາທີ່ໃຫ້ຄວາມສຳຄັນທີ່ສຸດຂອງອາເມລິກາໃນດ້ານການຮັກສາຄວາມໝັ້ນຄົງແຫ່ງຊາດ.
ບົດລາຍງານດັ່ງກ່າວຂຽນວ່າ, ຈຸດປະສົງຂອງກະຊວງປ້ອງກັນປະເທດ ອາອມເລິກາແມ່ນແຂ່ງຂັນ,ສະແດງກຳລັງແລະເອົາຊະນະໃນສະພາບການຄວາມໝັ້ນຄົງທົ່ວໂລກທີ່ນັບມື້ນັບສັບຊ້ອນ. ໃນສະເພາະໜ້ານີ້ ການແຂ່ງຂັນດ້ານຍຸດທະສາດເປັນເວລາຍາວນານໄດ້ປາກົດຕົວອອກມາອີກ ເປັນສິ່ງທ້າທາຍໃຈກາງທີ່ຄວາມຈະເລີນຮຸ່ງເຮືອງແລະຄວາມໝັ້ນຄົງຂອງອາເມລິກາຕ້ອງປະເຊີນໜ້າ. ບົດລາຍງານດັ່ງກ່າວຂຽນວ່າ ການແຂ່ງຂັນດ້ານຍຸດທະສາດເປັນເວລາຍາວນານຕົ້ນຕໍແມ່ນມາຈກາຈີນແລະຣັດເຊຍ.
ວັນທີ 19 ມັງກອນນີ້ ໂຄສົກສະຖານທູດຈີນປະຈຳອາເມລິກາໄດ້ປະກອບຄຳເຫັນກ່ຽວກັບອາເມລິກາປະກາດບົດດລາຍງານດັ່ງກ່າວ ໂດຍກ່າວວ່າ, ສັນຕິພາບແລະການພັດທະນາແມ່ນກະແສຫຼັກຂອງໂລກຊູ່ມື້ນີ້ ແລະກໍ່ແມ່ນຄວາມປາຖະໜາຮ່ວມຂອງທົ່ວສັງຄົມມ່ວນມະນຸດ.ມີແຕ່ຄົນທີ່ຄິດເຫັນແຕ່ສົງຄາມເຢັນແລະຢາກແຂ່ງຂັນເອົາຜົນປະໂຫຍດໂດຍເອົາການເສຍປຽບຂອງຄົນອື່ນເປັນການທົດແທນນັ້ນ ຈິ່ງເຫັນວ່າໂລກນີ້ເຕັມໄປດ້ວຍການແຂ່ງຂັນ ແລະເປັນປໍລະປັກກັນຕະຫຼອດ.