ຕາມຂ່າວCRI：ວັນທີ 20 ມັງກອນນີ້ຕາມເວລາທ້ອງຖິ່ນ, ຄະນະກຳມະການກິລາໂອລິມປິກສາກົນໄດ້ຈັດກອງປະຊຸມ 4 ຝ່າຍຢູ່ສຳນັກງານໃຫຍ່ທີ່ນະຄອນໂລຊານຂອງສະວິສ, ເພື່ອປຶກສາຫາລືກ່ຽວກັບບັນຫາ ສ.ເກົາຫຼີ ກັບ ສ.ປ.ປ ເກົາຫຼີ ເຂົ້າຮ່ວມງານກິລາໂອລິມປິກລະດູໜາວພຽງຊາງຮ່ວມກັນ. ກອງປະຊຸມໄດ້ຕົກລົງໃນສຸດທ້າຍວ່າ, ສ.ປ.ປ ເກົາຫຼີຈະສົ່ງນັກກິລາ 22 ຄົນເພື່ອເຂົ້າຮ່ວມງານກິລາໂອລິມປິກລະດູໜາວພຽງຊາງທີ່ຈະຈັດຂຶ້ນໃນເດືອນກຸມພາໜ້ານີ້. ຄະນະຜູ້ແທນຂອງທັງສອງປະເທດຈະເດີນເຂົ້າສູ່ສະໜາມກິລາຮ່ວມກັນໂດຍຖືທຸງແຫຼມເກົາຫຼີໃນພິທີເປີດ, ແລະຈະຈັດເປັນທິມຮໍກີເພດຍິງປະສົມລະຫວ່າງ ສ.ເກົາຫຼີ ກັບ ສ.ປ.ປ ເກົາຫຼີ. ທ່ານໂທມັສ໌ ບາເຮ, ປະທານຄະນະກຳມະການງານກິລາໂອລິມປິກສາກົນໄດ້ອອກຖະແຫຼງການພາຍຫຼັງການປຶກສາຫາລືເພື່ອສະແດງຄວາມຊົມເຊີຍນຳຜົນສຳເລັດທີ່ໄດ້ຮັບໃນກອງປະຊຸມຄັ້ງນີ້.
ທ່ານໂທມັສ໌ ບາເຮີກ່າວວ່າ, ຜົນສຳເລັດທີ່ໄດ້ຮັບໃນກອງປະຊຸມເປັນໜ້າຕື່ນເຕັ້ນຫຼາຍ, ແລະອາດຈະເຮັດໃຫ້ແຫຼມເກົາຫຼີກ້າວເຂົ້າສູ່ອະນາຄົດທີ່ດີງາມກວ່າເກົ່າ.
 |
