"Алтанлянхуа шар тал" арга хэмжээ эхлэв

7 сарын 18-нд Өвөр Монголын  Шилийнгол аймгийн Шулуунхөх хошууны нутаг Шанд хотын тууринд цэцгийн баяр, гэрэл  зургийн "Алтанлянхуа шар тал-Шулуунхөх 2017" уралдааны нээлтийн ёслол болсон  байна.  

Цэцгийн баяр хоёр хоног, гэрэл зургийн уралдаан 8-р сарын 10 хүртэл  үргэлжлэх юм байна. Гэрэл зургийн уралдааныг фото апарат, гар утасны хоёр  ангиллаар явуулах ба оролцох бүтээлүүд энэ оны 1-8 дугаар сард Шулуунхөх хошуунд  болсон төрөл бүрийн соёлын арга хэмжээ, байгалын өнгө үзэмж, ардын зан заншлыг  илтгэн харуулсан байх шаардлага тавьсан юм.

Алтанлянхуа цэцгийн өнгөөр  нэрлэгдсэн алдарт Шандын шар тал Шулуунхөх хошууны нутагт байдаг. Алтанлянхуа  цэцэг 7-8 сард  Шанд голын хоёр хөвөө, Шандын шар талыг бүрхэн дэлгэрч, гадаад  дотоодын жуулчдын анхаарал сонирхлыг соронздон татдаг билээ.

      далайнтуяа