अत्यावश्यक स्वास्थ्य सामग्री लिन हिमालय एयरलाइन्सको न्यारोबडी ए–३२० जहाज आइतबार बिहान चीनको छाङ्शा उडेको छ। कोभिड–१९ सँग सम्बन्धित स्वास्थ्य सामग्री हिमालयको जहाज छाङ्शा उडेको विमानस्थलले जनाएको छ। चीनबाट निजी व्यवसायीले स्वास्थ्य सामग्री ल्याउन हिमालयको जहाज कार्गो चार्टर्ड गरेको बताइएको राष्ट्रिय समाचार समितिले लेखेको छ।
नेपालबाट अन्तर्राष्ट्रि उडान भर्ने निजी लगानीको हिमालय एयरलाइन्सले बन्दाबन्दीको अवस्थामा चीनका विभिन्न गन्तव्यबाट स्वास्थ्य सामग्री ल्याइरहेको छ। पछिल्लोपटक चीनको बेइजिङ, क्वाङ्चौ, छाङ्शालगायत गन्तव्यबाट नेपाल एयरलाइन्स र हिमालय एयरलाइन्सले कार्गो चार्टर्ड उडानमार्फत स्वास्थ्य सामग्री ल्याइरहेका छन्।
रासस
