د بېجينګ د اولمپيک لوبو کلی د چين له کلتور څخه ډک دی.
ګرانو اوريدونکو، السلام عليکم ! زه غوټۍ يم او د ژوند په چين کې نننۍ کړۍ ته مو هر کلی کوم. د اولمپيک لوبو کلی په دغو لوبو کې نه يوازی د لوبغاړيو او لوبډلو د چارواکيو د اوسيدو سيمه، بلکې مهمه خدمتي سيمه هم ده. د بېجينګ د اولمپيک لوبو کلی د جولاۍ په اوه ويشتمه نېټه په رسمي توګه پرانيستل شو چې د نړۍ د بېلا بېلو هېوادونو د غړيو هرکلی کوي.
د اولمپيک لوبو کلی د بېجينګ د اولمپيک لوبو په اړه تر نورو ډير لوی سټېډيوم دی چې سياله په کې نه تر سره کېږي.. د اولمپيک لوبو په موده کې به څه باندی شپاړس زره لوبغاړي په کې اوسي. دغه راز د بېجينګ د اولمپيک لوبو کلی هم د اولمپيک باغ يوه مهمه برخه ده چې پراخوالی يې شپږ سوه او شپيته زره مربع مترو ته رسېږي او د مرغانو ځالې په نامه له دولتی سټېډيوم څخه مستقيم واټن يې له درې کيلومترۍ څخه زيات نه دی. نو له دې امله لوبغاړي په اسانه توګه له اوسيدونکو سيمو څخه د سياليو لوبغاليو ته تلای شي.
د بېجينګ د اولمپيک لوبو کلی د اوسيدونکي سيمې، نړيوالې سيمې او ادارې سيمې په ګډون له دريو برخو څخه عبارت دی. د نړيوالې سيمې د بيرغونو د اوچتولو په سيمه کې د دوه سوه او پنځو هېوادونو او سيمو د پلاويو د هر کلی مراسم تر سره کېږي. دنګ يا پينګ چې پخوا د چين د پينګ پانګ لوبې په برخه کې يوه ډيره غوره او مشهوره لوبغاړې وه، اوس د بېجينګ د اولمپيک لوبو د انتظامي کميټې د اولمپيک کلي د څانګې مرستياله ده .هغې څو څو ځله د اولمپيک په لوبو کې ګډون
درلود. هغې زموږ خبريال ته وويل چې د دغې کلی په نړيواله سيمه کې بانک، ستر پلورنځی، امتيازلرونکی مغازې، د لاکخانه او د کافی څښلو دوکانونه په ګډون نولس سوداګريز خدمتي تاسيسات شته چې د لوبغاړيو ورځنۍ اړتياوې پوره کولای شي. بر سېره پردې د اولمپيک د پخوانيو کليو په پرتله د بېجينګ د اولمپيک کلی په نړيواله سيمه کې د چين د کلتور ځانګړتيا هم ليدل کېږي. مېرمن دنګ يا پينګ وويل
موږ په لا ښه توګه د بېلا بېلو هېوادونو او سيمو لوبغاړيو ته د چين د کلتور د څرګندولو لپاره د چين د چای په پلورنځی کې د چای په اړه دوديزه ننداره تر سره کوو او د چين لاسي صنعتی او هنری توليداتو د چمتو کولو مرکز هم جوړ وو چې لوبغاړي په کې د چين دوديز کلتور ځانګړتيا احساس کړای شي.
دنګ يا پينګ خبريال ته وويل د بېجينګ د اولمپيک لوبو د اوسيدونکې سيمې چاپيريال په پوره توګه د بېجينګ د اولمپيک لوبو د خلکو د ګټو په اړه مفکوره څرګندوي. په دغه سيمه کې يو شمير کوټې د لوبغاړيو ځانګړی اړتياوو پوره کولای شي. د بېلګې په توګه دغه کلی د باسکتبال لوبغاړيو لپاره ځانګړی لوي کټونه جوړ کړي دي.
په چين کې يو متل دی چې وايي ډوډۍ د خلکو لپاره تر ټولو مهمه ده. نو د بېجينګ د اولمپيک کلی د خوراکونو په ساحو کې جدی چمتوالی نيولی دی. سل تنه بهرني کارکوونکی او دوه زره او دری سوه چيني اشپزان او خدمت ګاران د جولاۍ له اوه ويشتمې نېټې څخه هره ورځ په څليرويشتو ساعتو لوبغاړيو ته خدمت کوي. مېرمن دنګ يا پينګ وويل
زموږ په خوراکونو کې د اويا سلنې نړيوال خوراکونه او د ديرش سلنې اسيايی
خوراکونه شته. دغه راز موږ د يهودي، حلال او هندی خوراکونه هم لوبغاړيو ته برابروو. د چين حکومت او د بېجينګ د اولمپيک لوبو انتظامی کميټه د اولمپيک لوبو د خوراکونو امنيتي مسئلې ته ډيره پاملرنه کوي چې په ځانګړی توګه د خوراکونو امنيت د همغږی ډله جوړه کړې ده. دغه ډله د خوراکونو د توليد، چمتوالی او ترانسپورت په ګډون د بېلا بېلو پړاوو پلټنه او اداره کوي.
دغه راز د بېجينګ د اولمپيک د کلی په اوسيدونکی سيمه کې مذهبی خدمتي مرکز او درملنې مرکز هم شته .
د بېجينګ د اولمپيک کلی د ډيزاين، جوړونې او خدمت په ساحو کې لوبغاړيو ته د ښه چاپېريال د برابرولو لپاره په پوره توګه د شنه، علمي او تخنيکی او کلتوري اولمپيک په اړه دری افکار څرګندوي چې په دغه کلی کې دغه درې افکار په ښه توګه سره يو ځای کېږي.
