د سین هوا اژانس د خبر له مخې د یو کمربند او یوې لارې د سیلانیزو ښارونو د مشرانو سرمشریزه غونډه د روانې میاشتې په ۲۸ مه نیټه په جنګ جو کې جوړه شوه چې د ۲۸ هیوادونو د ۹۵ ښارونو مشرانو، د نړیوالو سیلانیزو شرکتونو څه دپاسه ۶۰ استازیو او د چین د ۳۹ سیلانیزو ښارونو مشرانو یا مرستیالانو په دغه غونډه کې ګډون کړی و.
د اړوندو معلوماتو له مخې د یو کمربند او یوې لارې په اوږدو کې سیلانیز کاروبار په نړیوال بازار کې ۷۰ سلنه برخه نیسي. اټکل کیږي چې د ۱۳ پنځه کلن پلان په موده کې به چین د یادو سیمو ۸۵ ملیونه کسان راجلب کړي، ۱۱۰ ملیارډه ډالره لګښتونه به وکړي او په عین وخت کې به چین دغو سیمو ته ګڼ شمیر سیلانیان هم برابر کړي.
د خبر له مخې یاده سرمشریزه غونډه د چین په جنګ جو کې د نړیوالو سیلانیزو ښارونو د مشرانو د فورم یوه مهمه برخه ده چې د کلتور او سیلاني وزارت، د م م دسیلاني نړیوال سازمان او د هه نان ولایت له خوا په ګډه جوړه شوې ده.
---زلمی
© China Radio International.CRI. All Rights Reserved. 16A Shijingshan Road, Beijing, China. 100040 |