 |
||
 |
||
 |
||
|
||
|
||
|
||
|
||
|
د سين هوا اژانس د خبر له مخې،د چين د بهرنيو چارو وزارت وياند لو کانګ د اګست په ۲۰مه نېټه اعلان وکړ چې د ۲۰۱۸ کال د چين او افريقا ترمنځ د همکارۍ فورم د بېجينګ سرمشريزه غونډه به د سپتمبر له ۳مې تر ۴مې نېټې پورې په بېجينګ کې تر سره شي.د دې سرمشريزې غونډې اصلي موضوع همکاري ،د ګډو ګټو موندل او په ګډه د چين او افريقا ترمنځ د برخليک د ګډې ټولنې جوړېدل دي.
د چين د دولت رئيس شي جين پينګ به د يادې سرمشريزې غونډې مشري وکړي او په اړوندو فعاليتونو کې به ګډون وکړي. د ياد فورم ګډون کوونکي افريقايي مشران به هم په دې سرمشريزه غونډه کې ګډون وکړي او د اړوندو افريقايي سيمو د سازمانونو او د نړيوالو سازمانونو استازي به د سرمشريزې غونډې په اړوندو فعاليتونو کې ګډون وکړي.
(ليلا)
| © China Radio International.CRI. All Rights Reserved. 16A Shijingshan Road, Beijing, China. 100040 |
